काठमाडौं । आज मिति २०७६ साल पुष महिनाको २८ गते सोमबार । इस्वी संवत २०२० जनवरी १३ तारिक । शकसंवत् १९४१ । परिधावी संवत्सर । दक्षिणायन । हेमन्त ऋतु । नेपाल संवत ११४० थिंलागा । माघ कृष्णपक्ष । तिथी– तृतीया,२० बजेर १९ मिनेट उप्रान्त चतुर्थी । नक्षत्र– अश्लेषा,१२ बजेर ४३ मिनेट उप्रान्त मघा । योग– प्रिती,१० बजेर २१ मिनेट उप्रान्त आयुष्मान । करण– वणिज, ९ बजेर २० मिनेट उप्रान्त भद्रा,२० बजेर १९ मिनेट उप्रान्त बव । आनन्दादिमा सौम्य योग । चन्द्रराशि–कर्कट, मध्यान्ह १२ बजेर ४३ मिनेट उप्रान्त सिंह । काठमाडौंमा सूर्योदय ६ बजेर ५७ मिनेटमा, सूर्यास्त १७ बजेर २६ मिनेटमा । दिनमान २६ घडी १२ पला ।
मेष : (चू,चे,चो,ला,लि,लू,ले,लो,अ) : आकस्मिक धन, सम्पत्ति लाभ हुने तथा चिठ्ठा, उपहार प्राप्तिको योग रहेको छ । माया प्रेममा सामिप्यता बढेर जानेछ भने पति-पत्निबीचको मायाको गाँठो कसिलो भएर जानेछ । सन्तान तथा छोरा छोरीले तपाईको काममा भरपुर सहयोग तथा समर्थन गर्नेछन् भने सन्तानको प्रगतिमा मन रमाउँनेछ । विद्यामा उत्कृष्ट नतिजा हात लाग्ने तथा पुरस्कार तपाईकै पोल्टोमा पर्नेछ ।
वृष (ई,ऊ,ए,ओ,वा,वी,वू,वे,वो) : बिहानको समय राम्रो रहेकोले व्यापारमा लगानी बढाउँदा मनग्ये आम्दानी हुनेछ । खेलकुद तथा पराक्रमी क्रियाकलापमा भाग लिने अवसर जुर्ने तथा नतिजा आफैतिर ल्याउँन सकिनेछ । मध्यान्हबाट समय मध्यम रहेकोले पढाइमा मन लाग्नेछैन । आफन्त तथा आमासँग टाढिएर यात्रा गर्नुपदा मन खिन्न हुनेछ ।
मिथुन (का,की,कू,घ,ङ,छ,के,को,हा) : बिहानको समय राम्रो रहेकोले व्यापार व्यवसायमा थोरै समय दिँदा पनि मनग्ये आम्दानी गर्न सकिनेछ । अध्ययन अध्यापनमा मन जाने हुँनाले अरुभन्दा उत्कृष्ट नतिजा हासिल गर्न सकिनेछ । मन परेको मानिससँग छोटो तथा रमाईलो यात्राको तय गर्न सकिने तथा स्वादिष्ट भोजनमा रमाउन सकिनेछ । मध्यान्हबाट समय मध्यम रहेकोले दाजुभाई तथा आफन्तसँग मनमुटाव बढ्नेछ ।
कर्कट (ही,हू,हे,हो,डा,डी,डु,डे,डो) : बिहानको समय मध्यम रहेकोले दुर्भाग्यवस आँटेको काम रोकिन सक्छ । अवसरसँगै चुनौतीको पनि सामना गर्नु पर्नेछ । मध्यान्हबाट समय राम्रो रहेकोले माया प्रेममा रमाउँदै दिन व्यतित गर्न सकिनेछ । रमाईलो जमघटमा सामेल भई मिष्ठान्न भोजन ग्रहण गर्ने अवसर प्राप्त हुनेछ । अध्ययनमा मन जाने हुनाले नतिजा आफैतिर ल्याउँन सकिनेछ ।
सिंह (मा,मी,मू,मे,मो,टा,टी,टू,टे) : भौतिक तथा विलासी वस्तुको प्रयोग गर्दा ध्यान दिनुहोला, समय मध्यम रहेको छ । ओभर कन्फिडेन्टले नतिजा शुन्य जस्तै हुनेछ । व्यापारमा नाफा कमाउन निकै नै समय खर्चनु पर्नेछ । पढाइ लेखाइमा मनग्ये समय खर्चिएपनि न्युन सफलता हातलागि हुनेछ । खानपान तथा स्वास्थ्यमा ध्यान नदिए खर्च बढ्ने योग रहेको छ । तरपनि बिहानको समयमा लामो दूरीको यात्रा हुने योग रहेको छ ।
कन्या (टो,पा,पी,पू,ष,ण,ठ,पे,पो) : बिहानको समय राम्रो रहेकोले नोकरी तथा कार्यक्षेत्रमा तपाईको प्रस्तुती गहन हुनेछ । व्यवसाय फस्टाएर जाने तथा आर्थिक अवस्थामा सुदृड हुनेछ । अध्ययनमा मन जानेछ भने नतिजा आफैतिर ल्याउँन सकिनेछ । मध्यान्हबाट समय मध्यम रहेकोले स्वास्थ्यमा समस्या आई कामहरु प्रभावित हुनेछन् । तापनि लामो दूरीको यात्राको प्रशस्त सम्भावना रहेको छ ।
तुला (रा,री,रु,रे,रो,ता,ती,तू,ते) : प्रेममा सामिप्यता बढेर जानेछ । पैत्रिक सम्पत्तिको प्रयोगमार्फत् आम्दानी बढाउँन सकिनेछ । व्यापारमा लगानी गरी मनग्ये धन आर्जन गर्न सकिनेछ । शिक्षा क्षेत्रसँग सम्बन्धित कामबाट भनेजस्तो आम्दानी हुनेछ । सिमित स्रोत साधनको प्रयोग गरी असिमित आवस्यक्ताहरु पुरा गर्न सकिनेछ । ईच्छा गरिएका वस्तु प्राप्त हुनाले मन प्रशन्न हुनेछ ।
वृश्चिक (तो,ना,नी,नू,ने,नो,या,यी,यू) : बिहानको समय राम्रो रहेकोले धार्मिक तथा शैक्षिक यात्रा गर्न सकिनेछ । अध्ययनमा मन जाने तथा खोजीमुलक क्षेत्रमा रुची बढ्नेछ । मध्यान्हबाट समय मध्यम रहेकोले राजनीति तथा समाजसेवामा जनताको समर्थन पाइनेछैन भने सामाजिक कामहरु समयमा सम्पादन नहुँदा जनताको आलोचना सहनु पर्नेछ । स्वास्थ्यले साथ नदिने हुदा काम गर्न असजिलो महसुस हुनेछ । आफन्त तथा बुवा सरहका व्यक्तिसँग मनमुटाव सिर्जना हुनेछ ।
धनु (ये,यो,भा,भी,भू,ध,फा,ढा,भे) : सामाजिक तथा परोपकारी काममा मन जानेछ भने धार्मिक तथा शैक्षिक यात्राको तय हुनेछ । व्यापारमा आज गरिने लगानीबाट भविष्यमा राम्रो नाफा कमाउँन सकिनेछ । खोज तथा अनुसन्धानको क्षेत्रमा भनेजस्तो प्रगति गर्न सकिने हुनाले मन प्रशन्न हुनेछ । बिहानको समय मध्यम रहेकोले भौतिक सम्पत्ति तथा सवारी साधनको प्रयोग गर्दा ध्यान दिनुहोला । आफन्त तथा दिदिबहिनीसँग राय बाजिनेछ ।
मकर (भो,जा,जी,जू,जे,जो,ख,खी,खू,खे,खो,गा,गी) : भौतिक वस्तु तथा सवारी साधनको कारोबार गर्दा ध्यान दिनुहोला समय मध्यम रहेको छ । आफन्त तथा साथीभाईसँग मनमुटाव सिर्जना हुने योग रहेको छ । व्यापारमा लगानी गरिहाल्ने समय नरहेकोले गरिरहेको कामलाई निरन्तरता दिनुहोला । माया प्रेममा एक अर्कालाई शंका गर्नाले छुट्टिनुपर्ने बाध्यता आउँनेछ । खानपानमा ध्यान दिनुहोला, स्वास्थ्यमा समस्या आउँनेछ ।
कुम्भ(गू,गे,गो,सा,सी,सू,से,सो,दा) : बन्द व्यापार फस्टाएर जाने तथा नयाँ ठाउँमा लगानी गर्ने अवसर जुर्नेछ । व्यवसायकै सवालमा लामो दूरीको यात्रा हुनेछ । भौतिक सम्पत्ति तथा विलासी वस्तु प्राप्त हुने योग रहेको छ । माया प्रेममा नजिक हुन सकिनेछ भने जीवनसाथीको सहयोगले राम्रा तथा परिणाममुखी काम गर्न सकिनेछ । पढाइ लेखाइमा मन जाने हुनाले नतिजा आफैतिर ल्याउँन सकिनेछ ।
मीन (दी,दू,थ,झ,ञ,दे,दो,चा,ची) : उपहार तथा भौतिक सम्पत्ति हातलागि हुने योग रहेको छ । अध्ययनमा मन जाने तथा अध्ययनकै सवालमा यात्रा हुनेछ । शिक्षा क्षेत्रसँग सम्बन्धित व्यापारबाट भनेजस्तो आम्दानी हुनेछ । नोकरीमा हुने प्रतिस्पर्धामा तपाईको नाम अग्र स्थानमा आउँनेछ । मामा तथा मावली पक्षबाट भनेजस्तो सहयोग पाईने हुनाले मन प्रशन्न हुनेछ । प्रेमको गाँठो कसिनेछ ।
तपाईको दिन शुभ रहोस् ।
ज्यो. दुर्गा भण्डारी ।
यो खबर पढेर तपाईलाई कस्तो महसुस भयो ?
प्रतिक्रिया