श्रीमतीको हत्या गरेको आरोपमा श्रीमान् पक्राउ

बारा । बारामा श्रीमतीको हत्या गरेको अभियोगमा प्रहरीले एक जनालाई पक्राउ गरेको छ । पक्राउ पर्नेमा पचरौता नगरपालिका-१ पिपरपाती टोल बस्ने रामयाद महतो रहेका छन् ।

महतोले गत शुक्रबार आफ्नै ३२ वर्षीया श्रीमती मालती देवी नुनियाको हत्या गरी सोही ठाउँस्थित जमुनी नदीको किनारमा लगेर शव जलाउँदै गरेको भन्ने सूचनाको आधारमा जिल्ला प्रहरी कार्यालय बाराबाट खटिएको प्रहरीले घटनास्थलमा शव जल्दै गरेको अवस्थामा फेला पारेको थियो ।

उक्त घटना पश्चात फरार रहेका उनलाई जिल्ला प्रहरी कार्यलाय बाराबाट खटिएको प्रहरीले पक्राउ गरेको हो ।