संखुवासभा । संखुवासभामा विष्फोटक पदार्थ सहित १ जनालाई प्रहरीले पक्राउ गरेको छ । मादीमुलखर्क नगरपालिका–३ का ३४ वर्षीय सोम बहादुर तामाङलाई विभिन्न प्रकारका बमसहित पक्राउ गरेको हो ।
सभापोखरी गाउँपालिका–३ सुनाम्लास्थित जिल्ला प्रहरी कार्यालयबाट खटिएको प्रहरीले तामाङलाई उक्त बिष्फोटक पदार्थ सहित फेला पारेको थियो ।
प्रहरीले तामाङको साथबाट कुकर बम १ थान, रेडबुल बम १ थान, सुतली बम १ थान, सकेट बम १ थान बरामत गरेको छ ।
त्यस्तै ईलेक्ट्रिक डेटोनेटर १ थान, नन ईलेक्ट्रोनिक डेटोनेटर ७ थान, फ्लेक्जिवल तार १ रोल र करिब ५० ग्राम न्युजल हाई एक्प्लोसिभ सहित मंगलबार प्रहरीले पक्राउ गरेको जिल्ला प्रहरी कार्यालय संखुवासभाले जनाएको छ ।
तामाङको साथमा रहेको बिष्फोटक पदार्थमध्ये प्रेसर कुकर बम १ थान, रेडबुल बम १ थान, सुतली बम १ थान, सकेट बम १ थान, ईलेक्ट्रिक डेटोनेटर १ थान डिस्पोज गरेको छ । प्रहरीले नेपाली सेनासँग समन्वय गरेर बम डिस्पोज गराएको हो ।
यस सम्बन्धमा प्रहरीले आवश्यक अनुसन्धान गरिरहेको छ ।
यो खबर पढेर तपाईलाई कस्तो महसुस भयो ?
प्रतिक्रिया