आत्मघाती गोलसँगै आर्सनल इएफएल कपको फाइनलमा, चेल्सी आउट

काठमाडौं, ११ माघ । चेल्सीलाई हराउँदै आर्सनल इङलिस लिग कप फुटबलको फाइनलमा प्रवेश गरेको छ । बुधबारराति आर्सनलको मैदानमा भएको सेमिफाईनल दोस्रो लेगको खेलमा चेल्सीलाई २–१ ले हराउँदै आर्सनल उपाधी नजिक पुगेको हो सेमिफाइनलको पहिलो लेगको खेलमा दुवै टोलीले गोलरहित बराबरी खेलेका थिए । दोस्रो लेगको खेलको सातौं मिनेटमै एडिन हाजार्डले गोल गर्दै टोलीलाई अग्रता दिलाएका थिए तर १२ औं मिनेटमा चेल्सीकै एन्टोनियो रुडिगरले आत्माघाति गोल गरेपछि आर्सनलले बराबरी गरेको थियो । खेलको ६० औं मिनेटमा ग्रेन्ट जाकाले गोल गरेपछि आर्सनल २–१ ले विजयी भएको हो अब आर्सनलले उपाधीका लागि म्यान्चेस्टर सिटीको सामना गर्नेछ । पहिलो सेमिफाइनलमा ब्रिस्टोल सिटीलाई हराउँदै म्यान्चेस्टर सिटी फाइनलमा पुगिसकेको छ ।