यस्तो छ तपाईको आजको राशिफल

काठमाडौं । आज मिति २०७६ साल माघ महिनाको ११ गते शनिबार । इस्वी संवत २०२० जनवरी २५ तारिक । शकसंवत् १९४१ । परिधावी संवत्सर । उत्तरायन । हेमन्त ऋतु । ने।सं। ११४० पोहेलागा । माघ शुक्लपक्ष । तिथी– प्रतिपदा,२७ बजेर २४ मिनेट उप्रान्त द्वितीया । नक्षत्र– श्रवण,२७ बजेर ५८ मिनेट उप्रान्त धनिष्ठा । योग– सिद्धि,२६ बजेर ३ मिनेट उप्रान्त व्यातिपात । करण– किंस्तुध्न,१४ बजेर ५२ मिनेट उप्रान्त बव,२७ बजेर २४ मिनेट उप्रान्त बालव । आनन्दादिमा स्थिर योग । चन्द्रराशि–मकर । काठमाडौंमा सूर्योदय ६ बजेर ५५ मिनेटमा, सूर्यास्त १७ बजेर ३६ मिनेटमा । दिनमान २६ घडी ४२ पला । सोनम ल्होसार (तामाङ ल्होछार) । श्रीबल्लभ जयन्ती।

मेष (चू,चे,चो,ला,लि,लू,ले,लो,अ) ः राजनीति तथा समाजसेवामा जनताको समर्थनले राम्रा काम गर्न सकिनेछ । व्यापारमा लगानी बढाई प्रशस्त आम्दानी गर्न सकिनेछ । कृषि तथा पशुपालन व्यवसायलाई समय सापेक्ष आधुनिकिकरण गरी लाभ लिन सकिनेछ । माया प्रेमको गाँठो कसिलो भएर जानेछ । पढाइ लेखाइमा सहपाठिहरुलाई पछि पार्दै नतिजा आफैँतिर ल्याउँन सकिनेछ ।

वृष (ई,ऊ,ए,ओ,वा,वी,वू,वे,वो) ः कार्यक्षेत्रमा केहि कमि कमजोरी बाहिरीनाले ईज्जत प्रतिष्ठामा दाग लाग्न सक्छ, ध्यान दिनुहोला । आध्यात्मिक क्षेत्रमा चासो बढ्नेछ भने धार्मिक तथा शैक्षिक यात्राको प्रशस्त सम्भावना रहेको छ । पढाइ लेखाइमा आफ्नै कमजोरीले नतिजा अरुतिरै जानेछ । सरकारी तथा प्रशासनिक काममा ढिला सुस्तिको कारणले अन्य काम प्रभावित हुनेछन् । व्यापारमा मन्दि आउँनेछ ।

मिथुन (का,की,कू,घ,ङ,छ,के,को,हा) ः व्यक्तिगत स्वास्र्थ तथा वैराग्य भाव त्यागेर अगाढ बढ्नुहोला । सवारी साधन तथा भौतिक सम्पत्तिको प्रयोग गर्दा विशेष सावधानी अपनाउँनुहोला । आलश्य तथा थकानको अनुभुति हुनेछ भने दिनभर परिश्रम गरेपनि न्यून उपलब्धि हासिल हुनेछ । अध्ययनमा अलि बढीनै समय खर्चदा मात्र नतिजा हात पार्न सकिनेछ । प्रेममा धोका हुनसक्छ ।

कर्कट (ही,हू,हे,हो,डा,डी,डु,डे,डो) ः जीवनसाथीको सहयोगले राम्रा तथा उपलब्धिमुलक कामहरु गर्न सकिनेछ । बन्द व्यापार फस्टाएर जानेछ भने व्यापारकै सिलसिलामा लामो दूरीको यात्रा हुनेछ । अध्ययन अध्यापनमा मन जाने तथा खोजिमुलक क्षेत्रबाट भनेजस्तो नतिजा हात पार्न सकिनेछ । माया प्रेमको डोरी कसिलो भएर जानेछ । सवारि साधन तथा विलासी सामान हातलागी हुने योग रहेको छ ।

सिंह (मा,मी,मू,मे,मो,टा,टी,टू,टे) ः विवाद तथा प्रतिस्पर्धामा विजय हुने योग रहेको याछ भने न्यायालयबाट हुने न्यायिक निर्णयहरु तपाईकै पक्षमा हुनेछन् । पढाइ लेखाइमा सहपाठिहरुलाई उछिन्दै नतिजा हात पार्न सकिनेछ । पुराना ऋण चुक्ता गरी नयाँ व्यवसाय सुचारु गर्न सकिनेछ । स्वास्थ्यमा देखिएका समस्या हल भएर जानेछ । माया प्रेममा नजिक हुने समय रहेको छ भने मावलीपक्षबाट सहयोग पाईनेछ ।

कन्या (टो,पा,पी,पू,ष,ण,ठ,पे,पो) ः पढाइ लेखाइमा कमजोर नतिजा आउँने हुनाले ईष्टमित्र भन्दा पछि परिनेछ । समय तथा प्रविधीको गतिलाई पछ्याउन नसक्दा प्रतिस्पर्धीहरुनै हावि हुनेछन् । खानपानमा ध्यान दिनुहोला, पेट सम्बन्धि समस्या आउँन सक्छ । भौतिक सम्पत्ति तथा सवारी साधनको प्रयोग गर्दा ध्यान दिनुहोला, अप्रिय घट्ना नघट्ला भन्न सकिन्न । प्रेममा अविश्वास सिर्जना हुनेछ ।

तुला (रा,री,रु,रे,रो,ता,ती,तू,ते) ः समय मध्यम रहेकोले व्यापारमा लगानी गर्नको लागि केहि दिन कुर्नुनै राम्रो रहनेछ । तापनि कृषि तथा पशुपालन व्यवसाय फस्टाएर जानेछ । आमा तथा आफन्तसँग टाढिएर यात्रा गर्नुपर्दा मन खिन्न हुनेछ । माया प्रेममा नजिक हुँदा मनमुटाव सिर्जना हुनेछ । खानपानमा ध्यान दिनुहोला, स्वास्थ्य सम्बन्धि समस्या बढ्ने योग रहेको छ । राजनीतिज्ञको लागि समय मध्यम रहेको छ ।

वृश्चिक (तो,ना,नी,नू,ने,नो,या,यी,यू) ः आँट, शाहस तथा पराक्रमा वृद्धि भएर जाने हुनाले उपलव्धिमुलक कामहरु गर्न सकिनेछ । न्यायिक निर्णयहरु तपाईकै पक्षमा आउनेछन् भने विवाद तथा प्रतिस्पर्धामा तपाईको नाम अग्र स्थानमा आउनेछ । लेखन, कला तथा साहित्यमा बाकि रहेको कामलाई पूर्णता दिन सकिनेछ । प्रेममा रमाउँने चाहनेहरुलाई लागि समय उत्तम रहेको छ ।

धनु (ये,यो,भा,भी,भू,ध,फा,ढा,भे) ः बोलेको कुरा पुर्‍याउन नसक्दा आलोचनाको शिकार होइनेछ । छिटो बोल्दा वा निर्णय गर्दा परिस्थिती बिग्रनेछ । अध्ययनमा समय दिन नसक्दा अरुभन्दा पछि परिनेछ । प्रेममा मनमुटाव बढ्नेछ भने आफन्तसँग घरायसी कुरामा राय बाजिनेछ । व्यापारमा मन्दि आउँनाले अर्थ अभावले सताउँने तथा दैनिकी प्रभावित हुनेछ ।

मकर (भो,जा,जी,जू,जे,जो,ख,खी,खू,खे,खो,गा,गी) ः राजनीतिकर्मी तथा समाजसेवीहरुले जनताको काम गरी नाम कमाउँन सक्नेछन् । नोकरीमा सहकर्मीहरुलाई पछि पार्दै राम्रा काम गरी सम्मान पाउने योग रहेको छ । पढाइले लेखाइमा मन जानेछ भने नतिजा आफैँतिर ल्याउन सकिनेछ । व्यापारमा लगानी गरी मनग्ये आम्दानी गर्न सकिनेछ भने नयाँ कामको प्रस्ताव आउँनेछ ।

कुम्भ (गू,गे,गो,सा,सी,सू,से,सो,दा) ः विदेश भावमा गोचर गर्ने मध्यम चन्द्रमाले विदेशी सामानको व्यापार व्यवसाय फस्टाएर जानेछ । विदेशमा बसेर अध्ययन तथा काम गर्नेहरुका लागि समय उत्तम रहेको छ । पढाइ लेखाइमा समय दिन सकिनेछैन । स्वास्थ्यमा समस्या आउँने तथा औषधि उपचार खर्च बढ्नेछ । प्रेममा अविश्वास बढ्नेछ भने आफन्त तथा अग्रजसँग सैद्धान्तिक राय बाजिनेछ ।

मीन (दी,दू,थ,झ,ञ,दे,दो,चा,ची) ः काम गर्ने थुप्रै बाटाहरु भेटिनेछन् भने व्यापार व्यवसाय फस्टाएर जाने हुनाले आर्थिक अवस्था सुदृड हुनेछ । सिमित साधन स्रोतको परिचालन गरी असिमित आवश्यकताहरु परिपुर्ति गर्न सकिनछ । माया प्रेमको डोरी कसिलो हुनेछ । पढाइ लेखाइमा भनेजस्तो नतिजा हात पार्न सकिनेछ । पैत्रिक धन तथा सम्पत्तिको प्रयोग गरी काम गर्न सकिनेछ ।

तपाईको दिन शुभ रहोस् ।
ज्यो दुर्गा भण्डारी