मेष (चू,चे,चो,ला,लि,लू,ले,लो,अ) ः समाजमा नेतृत्वदायी भुमिकामा बसेर काम गर्न सकिने तथा मान सम्मान ईज्जत प्रतिष्ठामा वृद्धि भएर जानेछ । नयाँ काम गर्न सकिनेछ भने नोकरीमा बढुवा हुने योग रहेको छ । व्यापार लगानी गरी मनग्ये धन आर्जन गर्न सकिनेछ भने कृषि, पशुपालन व्यवसाय फस्टाएर जानेछ । पढाइ लेखाइमा मन जानेछ भने अध्ययनकै सवालमा यात्रा हुनेछ । बुधबारबाट समय मध्यम रहेकोले खानपान तथा मौसमको ध्यान नदिए स्वास्थ्यमा समस्या आई उपचार खर्चमा वृद्धि हुने योग रहेको छ । व्पापारमा भनेजस्तो आम्दानी नहुँदा दैनिकी प्रभावित हुन सक्छ । आफ्नै मानिसलाई विश्वास गर्दा धोका पाइनेछ । तर पनि लामो दूरीको विदेश यात्रा हुनेछ भने विदेशी लगानीबाट सञ्चालित संस्थामा काम पाइनेछ ।
वृष (ई,ऊ,ए,ओ,वा,वी,वू,वे,वो) ः आइतबार दिउँसोसम्मको समय मध्यम रहेकोले आफ्नो काममा अरुले हस्तक्षेप गर्न सक्छन्, ध्यान दिनुहोला । जीवनशैली व्यस्त रहेपनि न्यून उपलव्धिमा चित्त बुझाउनु पर्ला । पढाइ लेखाइमा ध्यान नजाँदा अरुभन्दा पछि परिनेछ । राजनीति तथा समाजसेवामा काम गर्दा ध्यान दिनुहोला, आलोचना गर्नेहरु वा खुट्टा तान्नेहरु हावी हुनेछन् । कष्टकर धार्मिक यात्रा हुनेछ । आइतबार साँझबाट समय राम्रो रहेकोले ईमान्दार तथा लगनसिल भएर लाग्नाले समाजमा राम्रा काम गरि नाम तथा दाम दुवै कमाउँन सकिनेछ । कार्यक्षेत्रमा प्रतिष्ठित काम गरि सबैको ध्यान केन्द्रित गर्न सकिनेछ । पढाइ लेखाइमा भनेजस्तो नतिजा हात पार्न सकिनेछ भने शिक्षा क्षेत्र तथा वित्तीय क्षेत्रमा समय लगानी गर्नेहरुका लागि समय फलदायी रहेको छ । माया प्रेममा रमाउँन चाहनेहरुका लागि समय राम्रो रहेको छ ।
मिथुन (का,की,कू,घ,ङ,छ,के,को,हा) ः मंगलबारसम्मको समय मध्यम रहेकोले कार्यक्षेत्रमा केहि कमि कमजोरी बाहिरीनाले ईज्जत प्रतिष्ठामा दाग लाग्न सक्छ, ध्यान दिनुहोला । आध्यात्मिक क्षेत्रमा चासो बढ्नेछ भने धार्मिक तथा शैक्षिक यात्राको प्रशस्त सम्भावना रहेको छ । पढाइ लेखाइमा आफ्नै कमजोरीले नतिजा अरुतिरै जानेछ । सरकारी तथा प्रशासनिक काममा ढिला सुस्तिको कारणले अन्य काम प्रभावित हुनेछन् । व्यापारमा मन्दि आउँनेछ । बुधबारबाट समय उत्तम रहेकोले व्यापारबाट राम्रो आम्दानी हुने हुनाले चिताएको काम समयमा सम्पादन हुुनेछ । कृषि तथा सहकारी व्यवसाय फस्टाएर जानेछ । नोकरी पाउँने तथा बढुवा हुने योग रहेको छ । भूमि, बाहन तथा पैत्रिक सम्पत्तिमा वृद्धि हुने तथा प्राप्त हुनेछ । आफ्नै मेहनतले जीवनशैलिमा सुधार ल्याउँन सकिनेछ । माता पिताको सहयोग तथा समर्थनले कृतिमानी काम गर्न सकिनेछ । अध्ययनमा मन जाने हुनाले नतिजा आफैँतिर ल्याउँन सकिनेछ ।
कर्कट (ही,हू,हे,हो,डा,डी,डु,डे,डो) ः साताको सुरु र अन्तको समय राम्रो रहेकोले बन्द व्यापार फस्टाएर जाने तथा नयाँ ठाउँमा लगानी गर्ने अवसर जुर्नेछ । व्यवसायकै सवालमा लामो दूरीको यात्रा हुनेछ । भौतिक सम्पत्ति तथा विलासी वस्तु प्राप्त हुने योग रहेको छ । माया प्रेममा नजिक हुन सकिनेछ भने जीवनसाथीको सहयोगले राम्रा तथा परिणाममुखी काम गर्न सकिनेछ । पढाइ लेखाइमा मन जाने हुनाले नतिजा आफैँतिर ल्याउँन सकिनेछ । लामो दूरीको धार्मिक तथा शैक्षिक यात्रा हुने योग रहेको छ । आइतबार साँझबाट मंगलबार साँझसम्मको समय मध्यम रहेकोले व्यस्तता बढेपनि स्वास्थ्यको ख्याल नगर्दा कमजोरी महसुस हुनेछ । खानपान र बाहिरी वातावरणको ध्यान दिनुहोला । व्यापार व्यवसायमा लगानी गर्नुपुर्व आवश्यक तयारी राम्रोसँग गर्नुहोला । प्रेममा रमाउन चाहनेहरुका लागि आजको दिन मध्यम रहेको छ । गोपनियता भङग हुने तथा आफन्तसँग विवाद बढ्नेछ
सिंह (मा,मी,मू,मे,मो,टा,टी,टू,टे) ः विद्या तथा कुनैपनि प्रतिस्पर्धामा प्रतिस्पर्धीहरुलाई किनारा लगाउँदै नतिजा हात पार्न सकिनेछ । न्यायिक निर्णयहरु तपाईकै पक्षमा हुनेछन् । विलाशी तथा भौतिक वस्तुका प्रयोग गर्न पाईनेछ । व्यापार व्यवसायबाट मनग्ये धन आर्जन हुने तथा व्यवसायकै सिलसिलामा लामो दूरीको यात्रा हुनेछ । प्रेमील जोडीहरुका लागि समयले साथ दिनेछ । बुधबारबाट समय मध्यम रहेकोले गोपनियता तथा गोप्यकुराहरु बाहिरिनाले समस्या पर्न सक्छ, ध्यान दिनुहोला । कामका बाधा अवरोधको सामना गर्दै अगाडी बढ्नु पर्ने बाध्यता आउँनेछ । समय अनुसार नचल्नाले अरुभन्दा पछि परिनेछ । आफन्त तथा दिदिबहिनीसँग मनमुटाव बढ्ने योग रहेको छ । स्वास्थ्यमा समस्या आउँनाले दैनिक कामहरु प्रभावित हुनेछन् ।
कन्या (टो,पा,पी,पु,ष,ण,ठ,पे,पो) ः आइतबार दिउँसोसम्मको समय मध्यम रहेकोले समय र कामको तालमेल नमिल्दा योजनाहरु थाति रहनेछ । बौद्धिक क्रियाकलापमा भाग लिने अवसर आएपनि न्यून पारिश्रमिकमा चित्त बुझाउँनु पर्ला । भौतिक सम्पत्ति तथा सवारी साधनको प्रयोग गर्दा ध्यान दिनुहोला । व्यापारमा भनेजस्तो आम्दानी नहुनाले लगानिको वातावरण टरेर जानेछ । आईतबार साँझबाट शत्रुमाथि विजय गर्न सकिनेछ तथा आँट, शाहस, हिम्मतले कामहरु सम्पादन हुनेछन् । अध्ययनमा एक कदम अगाडी बढी नतिजा हात पार्न सकिनेछ । पुराना ऋण तिर्न सकिने तथा रोग केही भए विषेक हुनेछ । मामा मावली पक्षसँग बिग्रेका सम्बन्ध सुधार हुनेछ । पछिसम्म आम्दानी भईरहने व्यवसाय सुरु गर्न सकिनेछ । प्रेमको डोरी कसिलो हुनेछ ।
तुला (रा,री,रु,रे,रो,ता,ती,तू,ते) ः मंगलबारसम्मको समय मध्यम रहेकोले आफ्नै भन्नेहरुले आश्वासन बाढ्ने तथा समयमा काम नगर्दिनाले समस्या पैदा हुनेछ । मन परेको मानिससँग टाढिनु पर्दा मन मुटुमा जलन पैदा हुनेछ । घरजग्गा तथा सवारी साधनको विषयमा विवाद गर्नुपर्ला । राजनीति तथा समाजसेवामा जनताको समर्थन भन्दा आलोचनानै धेरै हुनेछ । पाईरहेको पद गुम्ने खतरा रहेको छ, ध्यान दिनुहोला । बुधबारबाट कुनै पनि विवाद तथा प्रतिस्पर्धामा अरुभन्दा एक कदम अगाडी बढ्न सकिनेछ । सत्रु परास्त तथा पुरानो रोगबाट उन्मुक्ति पाईनेछ । नियम संगत गरेका काममा हुने फैसला तपाईकै पक्षमा हुनेछन् । नोकरीमा बढुवा हुने योग रहेको छ । प्रेममा सामिप्यता बढ्ने तथा भेटघाटमा समय व्यातित हुनेछ । पछि लाभ हुने काम सुरु गर्न सकिनेछ । पढाइ लेखाइमा मन जाने हुनाले अरुभन्दा अग्र स्थानमा तपाईको नाम आउँनेछ ।
वृश्चिक (तो,ना,नी,नू,ने,नो,या,यी,यू) ः साताको सुरु र अन्तको समय राम्रो रहेकोले पुरुषार्थी काम गरी नाम दाम तथा ईज्जत प्रतिष्ठा कमाउँन सकिनेछ । खेलकुद तथा पराक्रमी क्रियाकलापमा भाग लिन सकिने तथा देश विदेशको यात्रा गर्न सकिनेछ । दाजुभाई तथा आफन्तसँग मिलेर गरिने व्यापार फस्टाएर जानेछ । शत्रु परास्त हुनेछन् भने न्यायालयबाट हुने न्यायिक निर्णयहरु तपाईकै पक्षमा आउँनेछन् । प्रेममा सामिप्यता बढेर जानेछ । आइतबार साँझबाट मंगलबार दिउँसोसम्मको समय मध्यम रहेकोले आफन्त तथा साथीभाईसँग राय नमिल्दा दैनिक कामहरु प्रभावित हुन सक्छन् । राजनीति तथा समाजसेवामा समय खर्चिनेहरुले काम गर्दा ध्यान दिनुहोला । निर्णय गर्न नसक्दा हातमा आईसहेको काम अरुले नै फुत्काउँनेछन् । घरजग्गा तथा सवारी साधनको प्रयोग गर्दा ध्यान दिनुहोला, विवाद तथा किचलो हुनसक्छ ।
धनु (ये,यो,भा,भी,भू,ध,फा,ढा,भे) ः साताको सुरु र अन्तकोे समय मध्यम रहेकोले बोल्ने कुरामा ध्यान नजाँदा आलोचनाको शिकार भइनेछ । कार्यक्षेत्रका कुरा काट्ने तथा खुट्टा तान्नेहरु सक्रिय हुनेछन् । खानपानमा ध्यान दिनुहोला, समय मध्यम रहेको छ । कुटुम्ब तथा आफन्तसँग घरायसी कुरामा राय बाजिनेछ । व्यापारमा मन्दि आउनेछ । प्रेममा अविश्वास सिर्जना हुनेछ । गीत संगीतको क्षेत्रमा लाग्नेहरुका लागि समयले साथ दिनेछ । आइतबार साँझबाट मंगलबार साँझसम्मको समय उत्तम रहेकोले व्यापार व्यवसायमा थोरै समय दिदापनि मनग्ये आम्दानी गर्न सकिनेछ । विवादित विषयहरु हल भएर जानेछन् भने न्यायिक निर्णयहरु तपाईकै पक्षमा आउँनेछ । अध्ययन अध्यापनमा मन जाने हुँनाले अरुभन्दा उत्कृष्ट नतिजा हासिल गर्न सकिनेछ । मन परेको मानिससँग छोटो तथा रमाईलो यात्राको तय गर्न सकिने तथा स्वादिष्ट भोजनमा रमाउँन सकिनेछ ।
मकर (भो,जा,जी,जू,जे,जो,ख,खी,खू,खे,खो,गा,गी) ः साताको सुरु अन्तको समय राम्रो रहेकोले रचानात्मक काम गरी मनग्ये धन आर्जन गर्न सकिनेछ । पढाइ लेखाइमा सफलता हात पार्न सकिनेछ भने पहिले गरिएका कामहरु उपलव्धिमुलक बन्दै जानेछन् । नयाँ काम गर्न सकिने तथा संयोग र समर्थन गर्नेहरु प्रशस्त भेटिनेछन् । समाजसेवा तथा राजनीतिमा चासो बढ्ने तथा जनताको काम गर्न सक्दा पद प्राप्तीको योग रहेको छ । आइतबार साँझबाट मंगलबार दिउँसोसम्मको समय मध्यम रहेकोले मेहनतको फल अरुले हत्याउँन कोसिश गर्नेछन्, ख्याल गर्नुहोला । राम्रो बोल्दाबोल्दै गलत व्याख्या गरी दुःख दिनेहरु सक्रिय हुनेछन् । व्यापारमा मन्दि आउँने तथा लगानी गर्नको लागि केहि समय पर्खदा राम्रो हुनेछ । खानपानमा ध्यान नदिए स्वास्थ्यमा समस्या आउँनेछ ।
कुम्भ (गू,गे,गो,सा,सी,सू,से,सो,दा) ः आइतबार साँझसम्मको समय मध्यम रहेकोले खर्च बढेपनि लामो दूरीको यात्राको तय हुनेछ । विदेशमा बसेर पेशा व्यावसाय गर्नेहरुका लागि समय फलदायी रहेको छ । न्याय संगत काम नगर्दा दण्ड तथा जरिवाना तिर्नुपर्ने हुन सक्छ, ध्यान दिनुहोला । अग्रज तथा आफन्तसँग सैद्धान्तिक राय बाजिनेछ । आइतबार साँझबाट समय उत्तम रहेकोले अवसरहरुको सदुपयोग गर्दै राम्रा तथा उपलव्धिमुलक कामहरु गर्न सकिनेछ । व्यापार व्यवसाय फस्टाएर जाने तथा मनग्ये धन आर्जन गर्न सकिनेछ । राजनीतिमा समय लगानी गर्नेहरुले पद पाउँने तथा ईज्जत प्रतिष्ठा जोड्न सक्नेछन् । पढाइ लेखाइमा मन जानेछ भने पढाूकै सवालमा लामो दूरीको यात्रा गर्न सकिनेछ । प्रणय सम्बन्ध थप बलियो बन्नेछ ।
मीन (दी,दू,थ,झ,ञ,दे,दो,चा,ची) ः साताको सुरु र अन्तको समय राम्रो रहेकोले पैत्रिक तथा प्राकृतिक स्रोत साधनको प्रयोगमार्फत् आम्दानी बढाउँन सकिनेछ । आफन्त तथा घरपरिवारका ईच्छा आकांक्षाहरु पुरा गर्न सकिनेछ । शिक्षा क्षेत्रसँग सम्बन्धित व्यवसायबाट मनग्ये लाभ लिन सकिनेछ । माया प्रेमको डोरी कसिलो भएर जानेछ भने पति पत्निको सहयोग पाईने हुनाले राम्रा काम गर्न सकिनेछ । राजनीति तथा समाजसेवामा समय लगानी गर्नेहरुका लागि समय उत्तम रहेको छ । आइतबार साँझबाट मंगलबार दिउँँसोसम्मको समय मध्यम रहेकोले दैनिक खर्च बढ्ने तथा भैपरी आउँने समस्याले सताउँनेछ । स्वास्थ्य सम्बन्धि समस्या बढ्ने तथा उपचार खर्च बढ्ने योग रहेको छ । सापट लगिएका रकम नउठ्नाले दैनिकी असहज हुनेछ । धन तथा भौतिक सम्पत्ति हराउँन तथा लुटिन सक्छ ध्यान दिनुहोला । तापनि लामो दूरीको विदेश यात्राको गतिलो योग रहेको छ भने विदेशी सामानकोे व्यापार फस्टाएर जानेछ ।
तपाईको दिन शुभ रहोस ।
ज्यो दुर्गा भण्डारी
यो खबर पढेर तपाईलाई कस्तो महसुस भयो ?
प्रतिक्रिया