यस्तो छ तपाईको आजको राशिफल

आज मिति २०७६ साल माघ महिनाको १२ गते आइतबार । इस्वी संवत २०२० जनवरी २६ तारिक । शकसंवत् १९४१ । परिधावी संवत्सर । उत्तरायन । हेमन्त ऋतु । ने।सं। ११४० पोहेलागा । माघ शुक्लपक्ष । तिथी– द्वितीया,२८ बजेर ४९ मिनेट उप्रान्त तृतीया । नक्षत्र– धनिष्ठा,२९ बजेर ५३ मिनेट उप्रान्त शतभिषा । योग– व्यातिपात,२५ बजेर ५८ मिनेट उप्रान्त वरियान । करण– बालव,१६ बजेर ०४ मिनेट उप्रान्त कौलव,२८ बजेर ४९ मिनेट उप्रान्त तैतिल । आनन्दादिमा मातंग योग । चन्द्रराशि–मकर,१६ बजेर ५२ मिनेट उप्रान्त कुम्भ । काठमाडौंमा सूर्योदय ६ बजेर ५५ मिनेटमा, सूर्यास्त १७ बजेर ३७ मिनेटमा । दिनमान २६ घडी ४५ पला । अन्तर्राष्ट्रिय भन्सार दिवस ।

मेष (चू,चे,चो,ला,लि,लू,ले,लो,अ) : नयाँ काम पाउने तथा गरिरहेको काममा बढुवा वा स्थानान्तरणको गतिलो सम्भावना रहेको छ । व्यावसाय फस्टाएर जानेछ भने लगानीका अवसर जुट्नेछन् । सरकारी तथा प्रशासनिक काममा तपाईको गतिलो उपस्थिति रहनेछ । कृषि तथा पशुपालन व्यावसायबाट मनग्गे धन आर्जन गर्न सकिनेछ । पढाइ लेखाइमा मन जानेछ भने अध्ययनकै सिलसिलामा लामो दूरीको यात्राको तय गर्न सकिनेछ ।

वृष (ई,ऊ,ए,ओ,वा,वी,वू,वे,वो) : काम गर्दा ध्यान दिनुहोला अवसरवादीहरुले फसाउन सक्छन् । प्रशासनिक तथा सरकारी सेवामा ढिलासुस्तिको चपेटामा परिनेछ । धार्मिक तथा शैक्षिक यात्रा गर्दा ध्यान दिनुहोला कागजपत्र नमिल्नाले विलम्ब हुन सक्छ । साँझबाट समय राम्रो रहेकोले व्यापार व्यावसाय फस्टाएर जानेछ । राजनितिज्ञको लागि उत्तम रहेको छ । प्रेमको डोरो कसिलो हुनेछ ।

मिथुन (का,की,कू,घ,ङ,छ,के,को,हा) : अल्छी गर्ने बानीले विभिन्न अवसरहरु फुत्कनेछन् । पढाइलेखाइमा मन नजाँदा अरुभन्दा पछि परिनेछ । स्वास्थ्य कमजोर रहनाले सोचेको उपलब्धि तत्काल हात नलाग्न सक्छ । भौतिक सम्पत्ति तथा सवारीको प्रयोग गर्दा ध्यान दिनुहोला । साँझबाट समय राम्रो रहेकोले धार्मिक तथा अध्ययनको सिलसिलामा यात्रा हुनेछ । प्रेममा सफलता हात लाग्नेछ ।

कर्कट (ही,हू,हे,हो,डा,डी,डु,डे,डो) : व्यापारमा उच्च प्रतिफल हात पार्न सकिनेछ भने व्यापारकै सिलसिलामा रमाइलो यात्रा गर्न सकिनेछ । प्रेम तथा मित्रताको बन्धन कसिलो भएर जानेछ भने जीवनसाथीको सहयोग पाउनाले राम्रा काम गर्न सकिनेछ । अध्ययनमा नतिजा आफैतिर ल्याउन सकिनेछ । अतिथिको रुममा सम्मान पाउनुको साथै रमाइलो घुमघामको समेत अवसर आउनेछ । साँझपख समय मध्यम रहेकोले भौतिक सम्पत्तिको प्रयोग तथा परिचालन गर्दा ध्यान दिनुहोला ।

सिंह (मा,मी,मू,मे,मो,टा,टी,टू,टे) : प्रियजन भेट हुनुको साथै आधित्यपुर्ण सम्मान पाइनेछ । पढ्नेलेख्ने काममा सफलता हात पार्न सकिनेछ भने अध्ययनकै लागि देश विदेशको यात्राको तय गर्न सकिनेछ । वादविवाद तथा न्यायिक निर्णयहरु तपाईकै पक्षमा हुनेछन् । नोकरीमा पदोन्नति तथा सुगम स्थानमा स्थानान्तरणको गतिलो योग रहेको छ । खर्च बढेपनि उपलब्धिमुलक कामहरु हुनेछन् ।

कन्या (टो,पा,पी,पू,ष,ण,ठ,पे,पो) : शरीर स्वस्थ नहुनाले दैनिक कामहरु गर्न सकिने अवस्था रहनेछैन । भौतिक सम्पत्ति तथा विलाशी वस्तु उपाहारको रुपमा प्राप्त हुने भएपनि टरेर जानेछ । व्यापारमा मन्दी आउने तथा नयाँ ठाउँमा लगानी नगर्नु नै राम्रो हुनेछ । प्रेममा एक अर्कालाई अविश्वास गर्नाले बाध्यतावश छुट्टिनु पर्ने अवस्था आउनेछ । सन्तान तथा आफन्तसँग मनमुटाव सिर्जना हुनेछ । साँझपख समय राम्रो रहेकोले आर्थिक अवस्था राम्रो भइ दैनिक जीवन सहज हुनेछ ।

तुला (रा,री,रु,रे,रो,ता,ती,तू,ते) : राजनीतिकर्मी तथा समाजसेवीहरुका लागि समय मध्यम रहेकोले जनताको समर्थन पाइने छैन । घरजग्गा तथा सवारीसाधन सम्बन्धि लफडा पर्न सक्छ । आफन्त तथा आमासँग मनमटाव बढ्ने वा घरबाट टाडा जानुपर्ने हुनसक्छ । पढाइलेखाइमा भनेजस्तो सुधार हुने छैन । प्रेममा मनमुटाव सिर्जना हुनेछ । खानपानमा ध्यान दिनुहोला समय मध्यम रहेको छ ।

वृश्चिक (तो,ना,नी,नू,ने,नो,या,यी,यू) : आफ्नै मिहिनेतले व्यावसायमा फड्को मार्न सकिनेछ । लगनशिलताको साथ गरिने कामको उच्च मूल्याङ्कन हुनेछ । दाजुभाई तथा छिमेकीसँगको सम्बन्ध सुधार गर्दै नयाँ कामहरु गर्न सकिनेछ । प्रतिस्पर्धीहरु सहयोगी बन्नेछन् भने कुनैपनि प्रतिस्पर्धामा तपाईको नाम अग्रस्थानमा आउनेछ । पढाइलेखाइमा मन जानेछ भने पढाइकै सवालमा यात्रा हुनेछ । साँझपखको समय मध्यम रहेकोले खानपानमा ध्यान दिनुहोला ।

धनु (ये,यो,भा,भी,भू,ध,फा,ढा,भे) : प्रयन्न गर्दा आम्दानीका स्रोतहरु बढाउन सकिनेछ । बोलीको प्रभाव घट्न सक्छ ध्यान दिनुहोला । परिवारका साथ बसेर मिष्ठान्न भोजन ग्रहण गर्ने अवसर आएपनि स्वास्थ्य सम्बन्धि समस्या आउन सक्छ । कार्यक्षेत्रमा राम्रा काम गरी सम्मानित हुने योग रहेको छ । पढाइलेखाइमा अलि बढी ध्यान दिदा उत्कृष्ट नतिजा हात पार्न सकिनेछ । साँझपख समय राम्रो रहेकोले न्यायिक निर्णयहरु तपाइकै पक्षमा फैसला हुनेछन् । छोटो दूरीको यात्राको योेग रहेको छ ।

मकर (भो,जा,जी,जू,जे,जो,ख,खी,खू,खे,खो,गा,गी) : नयाँनयाँ कामको प्रस्ताव आउनेछ भने गरिरहेको कामबाट मनग्गे धन आर्जन गर्न सकिनेछ । राजनीति तथा समाजसेवामा जनताको समर्थन प्राप्त हुनेछ । खाजमुलक क्षेत्रमा रुची बढ्नेछ भने अध्ययनमा भनेजस्तो सफलता चुम्न सकिनेछ । सामाजिक काम गरी ईज्जत प्रतिष्ठा कमाउन सकिनेछ । प्रेमील जोडिहरुका लागि समय उत्तम रहेको छ ।

कुम्भ (गू,गे,गो,सा,सी,सू,से,सो,दा) : खर्च बढेपनि उपलब्धिमुलक कामहरु हुनेछन् । लामो दूरीको विदेश यात्राको अधिक सम्भावना रहेको छ । खानपानमा ध्यान दिनुहोला सामान्य स्वास्थ्य सम्बन्धि समस्या आउन सक्छ । पढाइलेखाइमा ध्यान नदिँदा अरुभन्दा पछि परिनेछ । साँझपख विदेशी सामानको व्यापार व्यावसाय फस्टाएर जानेछ भने विदेशमा बसेर धन कमाउन चाहनेहरुका लागि समय उत्तम रहेको छ । समयमा कामहरु फत्ते गरी नाम तथा दाम दुवै कमाउन सकिनेछ ।

मीन (दी,दू,थ,झ,ञ,दे,दो,चा,ची) : साथीभाई, बन्धुबान्धव तथा ईष्टमित्रको सहयोगले राम्रा तथा परिणाममुखी काम गर्न सकिनेछ । व्यापार व्यावसायमा लगानी गरी मनग्गे लाभ लिन सकिनेछ । शिक्षा तथा शिक्षा पेशासँग सम्बन्धित कामबाट मनग्गे लाभ लिन सकिनेछ । माया प्रेमको डोरो कसिलो भएर जानेछ भने जीवन साथीको सहयोगले उपलब्धिमुलक काम गर्न सकिनेछ । पैत्रिक धन तथा सम्पत्तिको प्रयोग मार्फत मनग्गे लाभ लिन सकिनेछ ।

तपाईको दिन शुभ रहोस् ।
ज्योतिषी दुर्गा भण्डारी ।