बुटवल । रुपन्देहीमा दुर्घटनामा ज्यान गुमाउने तीनै जनाको पहिचान खुलेको छ । रुपन्देहीको रोहिणी गाँउपालिकामा आज बिहान तीन वटा ट्रक ठोक्किएर भएको दुर्घटनामा ३ जनाको घटनास्थलमै मृत्यु भएको थियो ।
मृत्यु हुनेमा नवलपरासी पाल्हीनन्दन ४ का ३० वर्षीय लालु कुर्मी, ३५ वर्षीय मोबिकन कुर्मी र ना २ ख ८४८१ का चालक सुनसरी चतराका अन्दाजी ३५ वर्षीय पूर्णबहादुर भुजेल रहेका छन् ।
दुर्घटनामा ९ जना घाइते भएका छन् । घाइतेको युनिभर्सल मेडिकल कलेज रानी गाउँमा उपचार भइरहेको प्रहरीले जनाएको छ । घाइतेमध्ये ४ जनाको अवस्था गम्भीर रहेको छ ।
त्यस्तै पाल्हीनन्दन गाउँपालिका ४ कै २६ वर्षीय विनोद धवल र ३२ वर्षीय सुवास कुर्मी पनि गम्भीर घाइते छन् ।
त्यस्तै तनहु खैरेनी नगरपालिका ५ का १९ वर्षीय विरेन्द्र गुरुङ, पाल्हीनन्दन४ का १६ वर्षीय अखिलेश यादव, १८ वर्षीय मनिस धवल, २८ वर्षीय शैलेश कुर्मी र २२ वर्षीय त्रिभुवन हरिजनको भीम अस्पताल भैरहवामा उपचार भइरहेको प्रहरीले जनाएको छ ।
भैरहवादेखि परासीतर्फ जाँदै गरेको लु १ ख ६७४५ नम्बरको ट्रक परासीदेखि भैरहवा तर्फ आउँदै गरेको ना २ ख ८४८१ र ना ५ ख ७८५६ नम्बरको ट्रक मंगलबार बिहान पौने ७ बजेतिर एकआपसमा ठोक्किएको थियो ।
यो पनि
रूपन्देहीमा ३ वटा ट्रक आपसमा ठोक्किँदा ३ को मृत्यु, ९ जना घाइते
यो खबर पढेर तपाईलाई कस्तो महसुस भयो ?
प्रतिक्रिया