माघ १६ गते बिहिबारको राशिफल

काठमाडौं । आज मिति २०७६ साल माघ महिनाको १६ गते बिहिबार । तदनुसार इस्वी संवत २०२० जनवरी ३० तारिक । शकसंवत् १९४१ । परिधावी संवत्सर । उत्तरायन । हेमन्त ऋतु । नेपाल संवत ११४० पोहेलागा । माघ शुक्लपक्ष । तिथी– पञ्चमी,१० बजेर ४२ मिनेट उप्रान्त षष्ठी । नक्षत्र– उत्तरभाद्रपदा,१३ बजेर १९ मिनेट उप्रान्त रेवती । योग– सिद्ध,२७ बजेर ३८ मिनेट उप्रान्त साध्य । करण– बालव,१० बजेर ५२ मिनेट उप्रान्त कौलव,२३ बजेर ५७ मिनेट उप्रान्त तैतिल । आनन्दादिमा छत्र योग । चन्द्रराशि–मीन । काठमाडौंमा सूर्योदय ६ बजेर ५४ मिनेटमा, सूर्यास्त १७ बजेर ४१ मिनेटमा । दिनमान २६ घडी ५७ पला । पञ्चक । वसन्त पञ्चमी (श्रीपञ्चमी, वसन्त श्रवण। सरस्वती पूजा। रति–काम पूजा। हलसारो गर्ने दिवस । शहीद दिवस

मेष (चू,चे,चो,ला,लि,लू,ले,लो,अ) ः लामो दूरीको यात्राको लागि समय उत्तम रहेको छ । विदेशी सामानको व्यापार व्यवसाय फस्टाएर जाने तथा विदेशमा बसेर श्रम तथा अध्ययन गर्नेहरुका लागि समय फलदायी रहनेछ । खानपामा ध्यान दिनुहोला, स्वास्थ्यमा समस्या आउँन सक्छ । आकस्मिक धन खर्च हुनाले दैनिकी प्रभावित हुनेछ । प्रेममा रमाउँन चाहनेहरुका लागि समय राम्रो रहेको छ ।

वृष (ई,ऊ,ए,ओ,वा,वी,वू,वे,वो) ः सिमित स्रोत तथा साधनबाट असिमित आवश्यकता पुरा गर्नु पर्दा रुपैयाँ पैसाको व्यवस्थापन गर्न गाह्रो पर्नेछ । नयाँ काम गर्नु पहिले ध्यान दिनुहोला, अवसरवादीहरुले फसाउँन सक्छन् । दाजुभाई तथा आफन्तलाई विश्वास गर्दा धोका पाईनेछ । माया प्रेममा एक अर्काविच मनमुटाव हुने तथा पति पत्नीबीचको सम्बन्धमा अविस्वास बढ्नेछ । अन्यत्रै ध्यान मोडिदा पढाइ लेखाइमा पछि परिनेछ ।

मिथुन (का,की,कू,घ,ङ,छ,के,को,हा) ः राजनीति तथा समाजसेवामा जनताको काम गर्न सकिने हुँदा पद प्राप्तको गतिलो योग रहेको छ । कृषि तथा पशुपालन व्यवसायलाई समय सापेक्ष आधुनिकीकरण गरी मनग्ये धन आर्जन गर्न सकिनेछ । नयाँ काम पाउँने तथा नोकरीमा सुगम स्थानमा स्थानान्तर वा बढुवा हुनेछ । बुवा तथा अग्रजहरुको आशिर्वाद लिँदै राम्रा काम गर्न सकिनेछ । पैत्रिक सम्पत्ति प्राप्त हुनेछ ।

कर्कट (ही,हू,हे,हो,डा,डी,डु,डे,डो) ः व्यापारमा लगानी गरी मनग्ये धन आर्जन गर्न सकिनेछ । समयले साथ दिने हुनाले सानो प्रयत्नले परिणाममुखी काम गर्न सकिनेछ । धार्मिक तथा आध्यात्मिक क्षेत्रमा रुचि बढ्नेछ । खोज तथा अनुसन्धानको क्षेत्रमा भनेजस्तो नतिजा हात पार्न सकिनेछ । प्रेममा रमाउँन चाहानेहरुका लागि समय उत्तम रहेको छ । आत्मविशस बढ्ने हुनाले लक्ष्य पहिल्याउँन सकिनेछ ।

सिंह (मा,मी,मू,मे,मो,टा,टी,टू,टे) ः नसोचेको धन तथा सम्पत्ति हात लागि हुने योग रहेको छ । अग्रज, आफन्त तथा दिदिबहिनीबाट काममा तथा आर्थिक सहयोग पाईनेछ । खोजमुलक क्षेत्रमा चासो बढ्ने तथा लामो समयदेखि गरी आएको काम सकिनेछ । समयले साथ दिने हुनाले व्यापारमा लगानी बढाइ मनग्ये धन आर्जन गर्न सकिनेछ ।

कन्या (टो,पा,पी,पू,ष,ण,ठ,पे,पो) ः बन्द व्यापार फस्टाएर जाने तथा नयाँ ठाउँमा लगानी गर्ने अवसर जुर्नेछ । व्यवसायकै सवालमा लामो दूरीको यात्रा हुनेछ । भौतिक सम्पत्ति तथा विलासी वस्तु प्राप्त हुने योग रहेको छ । माया प्रेममा नजिक हुन सकिनेछ भने जीवनसाथीको सहयोगले राम्रा तथा परिणाममुखी काम गर्न सकिनेछ । पढाइ लेखाइमा मन जाने हुनाले नतिजा आफैँतिर ल्याउँन सकिनेछ ।

तुला (रा,री,रु,रे,रो,ता,ती,तू,ते) ः प्रतिस्पर्धामा प्रतिस्पर्धीहरुलाई किनार लगाउँदै नतिजा आफैँतिर ल्याउँन सकिनेछ । लामो समयदेखि रोकिएर बसेका कामहरु बन्नाले मन उत्साहित हुनेछ । शत्रु परास्त हुने तथा न्यायिक निर्णयहरु तपाईकै पक्षमा आउँनेछ । स्रोत साधन जुटाउँदै व्यापारमा लगानी गरी मनग्ये धन आर्जन गर्न सकिनेछ । प्रेम तथा मित्रताको बन्धन कसिलो भएर जानेछ ।

वृश्चिक (तो,ना,नी,नू,ने,नो,या,यी,यू) ः अध्ययनमा मन जाने तथा अध्ययनकै सवालमा लामो दूरीको यात्राको तय गर्न सकिनेछ । घरायसी प्रयोजनका लागि भोगविलासका सामानहरुको खरिद गर्ने समय रहेको छ । व्यापार व्यावसाय फस्टाएर जानेछ । उपहारका रुपमा विलाशी वस्तु हातलागि हुनेछ । प्रेम सम्बन्ध सुदृड हुने तथा छुट्टिएका सम्बन्ध पुनः सुचारु हुने योग रहेको छ ।

धनु (ये,यो,भा,भी,भू,ध,फा,ढा,भे) ः समय राम्रो रहेकोले कृषि तथा पशुपालन व्यावसायलाई परिमार्जन गरी आम्दानी बढाउँन सकिनेछ । घर जग्गाको कारोबार गर्नेहरुले राम्रै आम्दानी गर्न सक्नेछन् । पढाइ लेखाइमा राम्रो नतिजाका साथ अग्र स्थानमा तपाईँको नाम आउँनेछ । आमा तथा अग्रजहरुको साथ सहयोगले राम्रा तथा उत्पादनमुलक कामहरु गर्न सकिनेछ ।

मकर (भो,जा,जी,जू,जे,जो,ख,खी,खू,खे,खो,गा,गी) ः व्यापार व्यवसायमा थोरै समय दिएपनि मनग्ये आम्दानी गर्न सकिनेछ । विवादित विषयहरु हल भएर जानेछन् भने न्यायिक निर्णयहरु तपाईँकै पक्षमा आउँनेछ । अध्ययन अध्यापनमा मन जाने हुनाले अरुभन्दा उत्कृष्ट नतिजा हासिल गर्न सकिनेछ । मन परेको मानिससँग छोटो तथा रमाईलो यात्राको तय गर्न सकिने तथा स्वादिष्ट भोजनमा रमाउँन सकिनेछ ।

कुम्भ (गू,गे,गो,सा,सी,सू,से,सो,दा) ः बोलीको प्रभाव बढ्ने तथा बोलेरै धेरै रुपैयाँ पैसा कमाउँन सकिनेछ । मेहनतले प्रतिस्पर्धीहरुलाई जित्न सकिनेछ भने अध्ययनमा सफलता हात पार्न सकिनेछ । शत्रु तथा बैरभाव राख्नेहरु कमजोर हुनेछन् । छोटो दूरीको रमाईलो यात्राको तय गर्न सकिनेछ । लेखन तथा साहित्यको क्षेत्रमा समय लगानी गर्नेहरुका लागि समय फलदायी रहनेछ ।

मीन (दी,दू,थ,झ,ञ,दे,दो,चा,ची) ः आफन्त तथा शुभचिन्तकको साथ तथा समर्थन पाईने हुनाले मन प्रशन्न हुनेछ । लगनशिल तथा ईमान्दार भएर लाग्नाले कार्यक्षेत्रमा लोकप्रियता चुलिनेछ । विभिन्न अवसर आउने तथा ति अवसरहरुको सदुपयोग गर्दै परिणाममुखी काम गर्न सकिनेछ । पढाइ लेखाइमा प्रतिस्पर्धीभन्दा एक कदम अगाड िबढी नतिजा हात पार्न सकिनेछ । प्रेमको डोरी कसिलो भएर जानेछ ।

तपाईको दिन शुभ रहोस् ।
ज्यो दुर्गा भण्डारी ।