सुर्खेतमा गोली चल्यो, ८ जना घाइते

काठमाडौं । सुर्खेतको वीरेन्द्रनगरमा गोली चल्दा ८ जना घाइते भएका छन् ।
मंगलबार बिहान टिप्परको ठक्करबाट एक युवकको मृत्यु भएपछि चर्किएको आन्दोलनका क्रममा प्रहरी गोली चलाएको हो ।

टिप्परको ठक्करबाट मोटरसाइकलचालक कालिकोट महावै गाउँपालिका–३ सिमखेत घर भएका २० वर्षीय केशर सिंहको मंगलबार बिहान घटनास्थलमै मृत्युु भएको थियो । उनको मृत्यु पश्चात त्यहाँ चर्को विरोधको साथमा आन्दोलन चर्किएको थियो ।

आन्दोलनले उग्र रुप लिँदा प्रहरीले २ राउण्ड हवाई फायर गरेको थियाे भने अज्ञात समूहले गोली चलाएको प्रहरीले जनाएको छ । स्थानीयका अनुसार प्रहरीले गोली चलाउँदा ८ जना घाइते भएको जनाएको छन् ।

यो पनि

सुर्खेतमा टिप्परको ठक्करबाट एक जनाको मृत्यु