गुडिरहेको बस एकाएक खोल्सामा खस्दा ७ को मृत्यु, ४० जना घाइते

काठमाडौं । भारतको पूर्वी राज्य उडिसामा एउटा यात्रुबाहक बस दुर्घटना हुँदा बसमा यात्रारत कम्तीमा सात जनाको मृत्यु हुनुका साथै ४० जना घाइते भएका छन् ।

प्रहरीका अनुसार उडिसाको गनजम जिल्लाको तप्तपानी इलाकाको पहाडी क्षेत्रमा गुडिरहेको बस एकाएक खोल्सामा झरेको थियो । बुधबार राति करिब ३।३० बजे उक्त दुर्घटना भएको थियो । घाइतेहरुलाई स्थानीय अस्पतालहरुमा भर्ना गरिएको छ ।

भारतमा हरेक दिन सवारी दुर्घटनाका कारण ४०० भन्दा बढी मानिसको मृत्यु हुने गरेको छ ।  एजन्सी

यो पनि पढ्नुहोस्  : विभत्स हत्या गरी फालिएका युवकको पहिचान खुल्यो, चाँडै फर्कन्छु भन्दै घरबाट निस्किएका थिए