काठमाडौं । बुधबार राति मोटरसाइकललाई ठक्कर दिएर फरार रहेका टिप्पर चालकलाई प्रहरीले पक्राउ गरेको छ ।
कलंकी अन्डरपासमा बुधबार मध्यरातको समयमा टिप्परले ठक्कर दिँदा प्रदेश २-०३००४ प ५५० नम्बरको मोटरसाइकलमा सवार रौतहटका हटहरिया गाउँपालिका-४ का १९ वर्षका राकेशकुमार चौधरी र कटहरिया-७ का २४ वर्षका मुन्ना चौधरीको मृत्यु भएको थियो।
ठक्कर दिएर फरार बा४ख ८५७९ नम्बरको टिपरलाई सीसी टीभी फुटेज र र्याडम चेकजाँचका आधारमा बिहीबार दिउँसो नख्खु खोलाको पुलछेउमा रहेको चन्द्रसूर्य ग्यारेजमा राखिएको अवस्थामा फेला पार्न प्रहरी सफल भए पनि चालक पत्ता लागेको थिएन।
खोजतलासका क्रममा काठमाडौं महानगरीय प्रहरी परिसरबाट खटिएको प्रहरी टोलीले टिपरका चालकलाई पनि बिहीबार राति सिन्धुपाल्चोकबाट पक्राउ गरेको हो।
सिन्धुपाल्चोकस्थित उनकै घरबाट टिपरका चालक २४ वर्षीय अनिल लामालाई पक्राउ गरिएको प्रहरीले जनाएको छ ।
यो पनि
कलंकीमा टिप्परको ठक्करबाट दुईजनाको मृत्यु
यो खबर पढेर तपाईलाई कस्तो महसुस भयो ?
प्रतिक्रिया