माघ २५ गते शनिबारको राशिफल हेर्नुहोस्

काठमाडौं । आज मिति २०७६ साल माघ महिनाको २५ गते शनिबार । इस्वी संवत २०२० फेब्रुवरी ८ तारिक । शकसंवत् १९४१ । परिधावी संवत्सर । उत्तरायन । हेमन्त ऋतु । ने.सं. ११४० पोहेलागा । माघ शुक्लपक्ष । तिथी– चतुर्दशी,१५ बजेर १२ मिनेट उप्रान्त पूर्णिमा । नक्षत्र– तिष्य,२१ बजेर ५५ मिनेट उप्रान्त अश्लेषा । योग–आयुष्मान,१९ बजेर ०८ मिनेट उप्रान्त सौभाग्य । करण– वणिज,१५ बजेर १२ मिनेट उप्रान्त भद्रा,२६ बजेर २३ मिनेट उप्रान्त बव । आनन्दादिमा मित्र योग । चन्द्रराशि–कर्कट । काठमाडौंमा सूर्योदय ६ बजेर ४९ मिनेटमा, सूर्यास्त १७ बजेर ४८ मिनेटमा । दिनमान २७ घडी २७ पला । श्री पशुपतिनाथको छाया दर्शन। पूर्णिमा व्रत।

मेष (चू,चे,चो,ला,लि,लू,ले,लो,अ) ः समय राम्रो रहेकोले कृषि तथा पशुपालन व्यवसायलाई परिमार्जन गरि आम्दानी बढाउँन सकिनेछ । घर जग्गाको कारोबार गर्नेहरुले राम्रै आम्दानी गर्न सक्नेछन् । पढाइ लेखाइमा राम्रो नतिजाका साथ अग्र स्थानमा तपाईँको नाम आउँनेछ । आमा तथा अग्रजहरुको साथ सहयोगले राम्रा तथा उत्पादनमुलक कामहरु गर्न सकिनेछ ।

वृष (ई,ऊ,ए,ओ,वा,वी,वू,वे,वो) ः न्यायालयसँग सम्बन्धित कामहरु थाती राख्नुहोला । खेलकुद तथा पराक्रमि क्रिर्याकलापमा भाग लिने अवसर आएपनि भनेजस्तो नतिजा निकाल्न मुस्किल पर्नेछ । बन्धुबान्धवहरुसँग मनमुटाव सिर्जना हुनेछ भने सैद्धान्तिक राय बाजिनेछ । समय मध्यम रहेकोले चोटपटक लाग्ने तथा स्वास्थ्यमा समस्या देखापर्नेछ । पढ्ने लेख्ने काममा मन नजानाले अरुभन्दा पछि परिनेछ ।

मिथुन (का,की,कू,घ,ङ,छ,के,को,हा) ः रमाईलो यात्रा गर्ने अवसर जुर्ने तथा यात्राका क्रममा मिठो साथीभाईका साथमा मिष्ठान्न भोजन ग्रहण गर्ने अवसर प्राप्त हुनेछ । रमाईलो गर्दा गर्दै पढाइ लेखाइमा समय दिन नसक्दा अरु भन्दा पछि परिन सकिन्छ, ध्यान दिनुहोला । बोलिको प्रभाव बढ्ने हुँदा बोलेकै भरमा कामहरु सम्पादन हुनेछन् । व्यापार व्यवसायमा समय दिन सके मनग्य आम्दानी हुनेछ ।

कर्कट (ही,हू,हे,हो,डा,डी,डु,डे,डो) ः व्यापार व्यवसायमा प्रशस्त समय दिएपनि न्यून आम्दानी हुनेछ । राजनीति तथा समाजेवामा जनताको आलोचनात्मक समर्थन प्राप्त हुनेछ । स्वास्थ्यमा समस्या आउँने तथा औषधी उपचार खर्च बढेर जानेछ । शरीरमा आलश्यता तथा अल्छिपना बढेर जानेछ भने मनोबल कमजोर हुनाले बाहिरि तत्वहरुले प्रलोभन देखाएर फसाउँन सक्छन् ।

सिंह (मा,मी,मू,मे,मो,टा,टी,टू,टे) ः लामो दूरीको शैक्षिक तथा कर्म प्राप्तीको लागि यात्राको तय गर्न सकिनेछ । विदेसी सामानको व्यापारमा वृद्धि भएर जानेछ भने विदेशमा बसेर पेशा तथा अध्ययन गर्नेहरुका लागि समयले साथ दिनेछ । स्वास्थ्यमा समस्या आई कर्जा बढ्ने योग रहेको छ । प्रेम तथा मित्रताको बन्धन कसिने तथा अध्ययनको लगावले आर्थिक तथा बौद्धिक क्षेत्र फराकिलो हुनेछ ।

कन्या (टो,पा,पी,पू,ष,ण,ठ,पे,पो) ः स्रोत साधन जुट्नाले कार्यक्षेत्रमा राम्रा काम गरी नाम कमाउँन सकिनेछ । लामो समयदेखि रोकिएर बसेका कामहरु सम्पादन हुने तथा कार्य क्षेत्रमा नयाँ जिम्मेवारी थपिनेछ । व्यापार व्यवसाय फस्टाउनाले आम्दानी बढ्नेछ । अध्ययनमा सुधार हुने तथा भनेजस्तो नतिजा हात पार्न सकिनेछ । माया प्रेममा रमाउँन चाहनेहरुका लागि समय उत्तम रहेको छ ।

तुला (रा,री,रु,रे,रो,ता,ती,तू,ते) ः राजनीतिज्ञको लागि समय मध्यम रहेको छ । व्यापारमा प्रशस्त समय दिएपनि आम्दानी न्यून हुनेछ । बुवा तथा अग्रजसँग मनमुटाव बढ्ने तथा घरायसी कुरामा राज बाजिनेछ । पढाइ लेखाइमा समय दिएपनि नतीजा भनेजस्तो आउँनेछ । माया प्रेममा अविश्वास बढ्ने योग रहेको छ । अप्ठ्यारा परिस्थितीसँग जुध्नु परेपनि लक्ष्य पहिल्याउँन सकिनेछ ।

वृश्चिक (तो,ना,नी,नू,ने,नो,या,यी,यू) ः लामो दूरीको धार्मिक प्रतिष्ठान तथा मन्दिर तिरको यात्राको तय गर्न सकिनेछ । सरकारी तथा प्रशासनिक काममा सम्मानजनक उपस्थिति रहनेछ । परिवारजनको सहयोगले नयाँ योजनाहरु बनाउँन सकिनेछ । खोज तथा अनुसन्धानको क्षेत्रमा सकारात्मक नतिजा हात लाग्नेछ भने अध्यानमा प्रगति भएर जानेछ । लामो दूरीको शैक्षिक तथा धार्मिक यात्राको तय गर्न सकिनेछ । प्रेम तथा मित्रताको गाँठो कसिलो भएर जानेछ ।

धनु (ये,यो,भा,भी,भू,ध,फा,ढा,भे) ः नसोचेको धन तथा सम्पत्ति हात लागि हुने योग रहेको छ । अग्रज,आफन्त तथा दिदिबहिनीबाट काममा तथा आर्थिक सहयोग पाईनेछ । खोजमुलक क्षेत्रमा चासो बढ्ने तथा लामो समयदेखि गरी आएको काम सकिनेछ । पढाइ लेखाइकै सवालमा देश विदेशको यात्रा हुनेछ । मन्दिर तथा धार्मिक सस्थानको यात्रा गरि धर्म कमाउँन सकिनेछ । दिन दुखीको सेवामा समय खर्च हुने योग रहेको छ ।

मकर (भो,जा,जी,जू,जे,जो,ख,खी,खू,खे,खो,गा,गी) ः प्रेमको बन्धन कसिलो हुने तथा जीवन साथीको सहयोगले राम्रा काम गर्न सकिनेछ । व्यवसायबाट मनग्य धन आर्जन गर्न सकिने तथा व्यापार विस्तारको सवालमा यात्राको तय हुनेछ । ईष्टमित्र तथा सहयोगीले साथ दिनेहुँदा दैनिकी सहज रुपमा बित्नेछ । भौतिक स्रोत साधनको प्रयोग गरि अपडेट हुन सकिनेछ भने पढाइ लेखाइमा प्रगती हुनेछ ।

कुम्भ (गू,गे,गो,सा,सी,सू,से,सो,दा) ः पुराना रोग पुन बल्झिनाले स्वास्थ्यमा समस्या आउँन सक्छ । विद्या तथा प्रतिस्पर्धामा आजको दिन समय मध्यम रहेकोले प्रतिस्पर्धीहरु नै हावि हुनेछन् । अदालती निर्णयहरु तपाईको पक्षमा आउँने छैनन् । प्रणय सम्बन्धमा सामान्य शंकाले केहि समयको लागि टाढि नु पर्ने बाध्यता आउँनेछ । आफन्त मामा तथा मावली पक्षसँग राय बाजिनेछ ।

मीन (दी,दू,थ,झ,ञ,दे,दो,चा,ची) ः शिक्षा तथा शिक्षा क्षेत्रसँग सम्बन्धित व्यापार व्यवसायबाट मनग्य धन आर्जन गर्न सकिनेछ । बैंक तथा वित्तीय क्षेत्रमा काम पाउँने तथा बढुवा हुने योग रहेको छ । पढाइ लेखाइमा मन जानेछ भने अध्ययनकै सिलसिलामा यात्रा हुने योग रहेको छ । प्रेम गर्ने जोडीहरुका लागि समय उत्तम रहेको छ भने भौतीक सम्पत्ति तथा विलासी वस्तु उपहारको रुपमा प्राप्त हुनेछ ।

तपाईको दिन शुभ रहोस् ।
ज्यो दुर्गा भण्डारी