चीनमा कोरोना भाइरसका कारण ७ सय २२ को मृत्यु

चीनमा कोरोना भाइरसका कारण मृत्यु हुनेको संख्या ७ सय २२ पुगेको छ। त्यस्तै कोरोनाबाट संक्रमण हुनेको सङ्ख्या करिब ३५ हजार रहेको छ ।

कोरोना भाइरसको संक्रमण चीनमा मात्र होइन बाहिरका २५ मुलुकमा फैलिएको छ । अहिलेसम्म हङकङ र फिलिपिन्समा दुई व्यक्तिको मृत्यु भएको छ भने त्यहाँ संक्रमण हुनेको सङ्ख्या २ सय ७० जना पुगिसकेको बीबीसीले जनाएको छ ।

यसका अतिरिक्त अमेरिका, अस्ट्रेलिया, भियतनाम, फ्रान्स, सिंगापुर, जापान लगायतका देशहरुमा पनि यस भाइरसको संक्रमण देखिएको छ ।