काठमाडौं । विश्वकै धनी व्यक्तिहरुको सूचीमा पर्छन् बिल गेट्स । उनले ३७० फीट लामो इकोफ्रेन्डली सुपर लग्जरी एक्वा याट किनेका छन् ।
यो याटको मूल्य नेपाली १ अर्ब १० लाख रुपैयाँ पर्छ । यो लक्जरी याट लिक्विड हाइड्रोजनबाट चल्छ । यो याटले एक पटकको फ्ल्युलिंगमा ३ हजार ७ सय ५० मील अर्थात् ६४३७.३ किमीको यात्रा पुरा गर्दछ ।
यो सुपरयाटमा दुई वटा २८ टनका भ्याकुम सिल्ड ट्यांक छन् । जसले माइनस २५७ सेन्टीग्रेट भएको बेला पनि कुल्ड गराउँछ । यसमा लिक्विड हाइड्रोजन भर्ने गरिन्छ ।
यस याटको म्याक्सिमम स्पिड १७ नाट रहेको छ भने यसको क्यापासिटी ३१ प्यासेन्जर्सको छ । जसमा १४ डबल क्रु क्याभिन,२ अफिसर क्याभिन,एक क्याप्टेन क्याभिन,४ गेस्ट स्टेट रुम, २ भीभीआईपी स्टेट रुम र एक ओनर पेभेलियन एक साथ यात्रा गर्न सक्दछन् ।
फोर्ब्स म्यागेजिनको हिसाबमा ९ फ्रेब्रुअरी सम्म गेट्सको टोटल नेटवर्थ ११२.४ बिलियन डलर रहेको छ । उनी विश्वका दोश्रो धनी व्यक्ति समेत हुन् ।
त्यस्तै अमेजनका मालिक जेफ बेजोस संसारकै सबैभन्दा धनी व्यक्ति हुन् । उनको टोटल नेटवर्थ १२६. ८ बिलियन डलर रहेको छ ।
एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया