यस्तो छ फागुन महिनाको राशिफल

मेष (चू ,चे, चो, ला, लि, लू, ले, लो, अ)

राजनीति तथा समाजसेवामा समय लगानि गर्नेहरुले राज्यबाट लाभ तथा सम्मान पाउँने समय रहेको छ । नोकरीमा पदोन्नती तथा व्यापार व्यावसायमा बढोत्तरि हुने गतिलो सम्भावना रहेको छ ।

लामो समयदेखि थाति रहेका काम तथा मुद्दाहरु किनारा लाग्नेछन् । प्राकृतिक स्रोत तथा साधनको भरपुर प्रयोग गरेर प्रसस्त धन तथा सम्पति कमाउँन सकिनेछ ।

शुभ तथा मांगलिक सभा समारोहमा सहभागि भई स्वादिष्ट भोजन गर्ने अवसर जुर्नेछ । धर्म तथा आध्यात्मिकतामा मन जानेछ भने लामो दुरिको धार्मिक यात्राको प्रशस्त सम्भावना रहेको छ ।

पैत्रिक धन तथा भौतिक सम्पति हातलागि हुने योग रहेको छ । बिपरित लिङ्ग तथा साथी संगतले फाईदा हुने तथा विलाशी सामान प्रयोग गर्न पाईने हुनाले मन प्रशन्न रहनेछ ।

विद्यार्थी वर्गहरुले बिद्या तथा प्रतिस्पर्द्धामा प्रतिस्पर्द्धीहरुलाई हराउँदै नतिजा आफ्नो पक्षमा पार्न सक्नेछन् । महिनाको अन्त्यतिर खर्च बढेता पनि व्यापार व्यवसायमा समय दिनेहरुले प्रशस्त आम्दानि गर्न सक्नेछन् ।

बृष (ई,ऊ,ए,ओ, वा, वी, वू, वे, वो)

उच्च पदस्थ व्याक्तित्वसँग भेटघाट हुने तथा मान सम्मान,ईज्जत, प्रतिष्ठा बडेर जानेछ । पदिय दायित्व बढ्नेछ भने निर्णय क्षमताको विकास हुनेछ ।

प्रशासनिक क्षेत्रमा तपाईको वर्चश्व कायम रहने छ । राज्यसँग नजिक रहेर गरिने प्रत्येक काममा सफलता हात लाग्नेछ । यो महिना नयाँ काम पाउँने तथा नोकरीमा वढुवा हुने प्रसस्त सम्भावना रहेको छ ।

व्यापार व्यवसायमा समय लगानी गर्नेहरुले नयाँ नयाँ ठाउँमा लागानी गरी प्रशस्त नाफा कमाउँन सक्नेछन् । महिला मित्रहरुसँग गरिने कुनै पनि व्यापार तथा आर्थिक व्यावस्थापनका लागि गरीने कारोबारहरु फस्टाएर जानेछन् ।

प्रेम तथा मित्रताको बन्धन गसिलो भएर जाने तथा सुयोग्य वर वधुको लगन गाठो बाँधिने गतिलो सम्भावना रहेको छ भने माया प्रेम तथा दाम्पत्य जिवनको गाठो झन् गसिलो भएर जानेछ ।

पारिवारिक जमघटमा सहभागि भई मिष्टान्न भोजन ग्रहण गर्ने अवसर मिल्नेछ । बौद्धिक कार्यमा सहभागि भई आफ्नो गतिलो प्रस्तुति पस्कने अवसर प्राप्त हुनेछ भने पढाई लेखाई तथा खोज अनुसन्धानको क्षेत्रमा राम्रो प्रगति गर्न सकिनेछ ।

मिथुन (का, की, कू ,घ, ङ, छ ,के,को,हा)

प्रशासनीक तथा सरकारी क्षेत्रमा तपाईकै वर्चश्व रहनेछ । निर्णायक पदमा हुनुहुन्छ भने यो महिना गरिने निर्णयहरु समाजका पक्षमा हुनेछन् ।

योजनाहरु चुश्तरुपमा अगाडि बढ्नेछन् भने चुनौतिहरुका पर्खालहरु आफै ढल्नेछन् । राज्यबाट आर्थिक लाभ तथा सम्मान पाईने हुँदा मन प्रशन्न रहनेछ ।

शत्रु परास्त हुनेछन् भने न्यायिक निर्णयहरु तपाईकै पक्षमा हुनेछन् । बिद्या तथा प्रतिस्पर्द्धामा विद्यार्थी वर्गहरुले आफ्नो प्रतिस्पर्द्धीहरुलाई हराउँन केहि मिहेनत गर्नुपर्नेछ ।

माया प्रेममा कहिले नजिक त कहिले टाडा हुने अवस्था रहेपनि अन्ततः एक अर्कालाई विश्वास गर्दै अगाडि बढ्न सकिनेछ ।

दशौँ भावमा गोचर गर्ने शुक्रले व्यापार व्यावसायमा नाफा कमाउन धेरै समय खर्चनु पर्नेछ भने नयाँ काम गर्नुभन्दा पनि गरिरहेको कामलाई निरन्तरता दिनुहोला ।

महिला मित्रहरुले हरतरह फसाउँन खोज्ने तथा असहयोग गर्नेछन् ध्यान दिनुहोला । समाजका पक्षमा राम्रा काम गर्दा गर्दै विपक्षीहरुले अनावस्यक भ्रम छरेर आलोचना गर्नेछन् ।

कर्कट (ही, हू ,हे, हो, डा, डी, डु, डे, डो)

यो महिना मिश्रित फल पाईने छ । तपाई आफ्नै कारणले घर परिवारमा तथा पति पत्नीबीच मनमुटाव बढ्नेछ । स्वास्थ्य सम्वन्धी समस्याले पिरोल्ने छ भने दाँत,मेरुदण्ड,हाडजोर्नि तथा प्रेसर हाई लो हुने समस्या आउँन सक्छ ध्यान दिनुहोला ।

ऋण,रोग तथा संकटको सामना गर्नुपर्नेछ । राजनीति तथा समाजसेवामा जनताको काम गर्दा गर्दै आलोचनाको शिकार हुनुपर्दा मन खिन्न हुनेछ ।

निर्णायक पदमा हुनुहुन्छ भने कुनै पनि निर्णय गर्दा ध्यान दिनुहोला गलत व्याक्ती हरुको सल्लाहमा गलत निर्णयहरु हुन सक्दछन् ।

पढार्इ लेखाइमा ध्यान नजाने हुनाले अरुभन्दा पछि परिने चिन्ताले सताईरहनेछ । खोज तथा अनुसन्धानको क्षेत्रमा अलि धेरै संघर्ष गरे नतिजा आफ्नो पोल्टोमा पार्न सकिनेछ ।

नवौँ भावमा गोचर गर्ने शुक्रले नयाँ नयाँ फेसेनेवल तथा विलाशिताका सामानहरु प्रयोग गरी अरुको मन आफूतिर आकर्षित गर्न सकिनेछ ।

दाजुभाईबाट भनेजस्तो सहयोग पाईने हुँदा विलाशी तथा फेसेनेवल वस्तुहरुको व्यापारमा लगानी गर्न सकिनेछ । लामो दुरिको शैक्षिक तथा धार्मिक यात्राको गतिलो सम्भावना रहेकोछ ।

सिंह (मा, मी, मू , मे, मो, टा, टी, टू ,टे)

समय र कामको तालमेल नमिल्दा कामहरु समयमा सक्न मुश्किल पर्नेछ भने धन सम्पती तथा मान हानी हुने हुँदा मन विचलित हुनेछ ।

काममा अप्रत्यासित बाधा व्यावधान आईलाग्ने तथा ठुलो श्रम खर्च गर्नुपर्ने हुन सक्छ । बौद्धिक व्यक्तित्व तथा अग्रजहरुसँग सैद्धान्तिक मतभेद रहनेछ ।

परिवारमा आफन्त तथा पति पत्नीबीच वैमनश्यता पैदा हुनेछ । लामो दुरिको कष्टकर यात्रा हुन सक्छ ख्याल गर्नुहोला । सामान्य टाउको दुख्ने समस्याले सताउन सक्छ ।

व्यापार व्यावसायमा फेन्सि तथा विलाशी वस्तुको खरिद बिक्रिबाट प्रशस्त नाफा कमाउन सकिनेछ । विलासिताको सामान प्रयोगबाट भरपुर सन्तुष्टि लिन सकिनेछ भने कुटुम्ब तथा आफन्तबाट सहयोग तथा समर्थन पाईने हुँदा मन प्रशन्न रहनेछ ।

विद्या तथा प्रतिस्पर्द्धामा बिद्यार्थी वर्गहरुले धेरै मेहनेत गर्दा आफ्नो पोल्टोमा नतिजा पार्न सक्नेछन् । महिनाको पहिलो तथा चौथौ हप्ताको समय राम्रो रहेको छ ।

कन्या (टो, पा, पी,पु,ष,ण,ठ,पे,पो)

विद्या तथा प्रतिस्पर्द्धामा प्रतिस्पर्द्धी हरुलाई सजिलै हराउन सकिने तथा नतिजा आफ्नै हातमा पर्नेछ । लेखन कलाको विकास हुने तथा मनोरञ्जनात्मक कितावहरु अध्यन गर्ने अवसर प्राप्त हुनेछ । शत्रु परास्त हुनेछन् भने न्यायलयबाट हुने न्यायिक सम्पादन तपाईकै पक्षमा हुनेछन् ।

व्यापार व्यवसायमा प्रशस्त नाफा कमाउन धेरै समय लगानी गर्नुपर्नेछ । पुरानो लेनदेन सम्बन्धि कारोबारहरु सल्टिनेछ भने शंकट व्यवस्थापनका लागि चालिएका कदमहरुबाट सकारात्मक नतिजा आउनेछ ।

कामहरु समयमा सम्पन्न हुने हुनाले तपाईको दैनिकी फेरिनेछ भने महिला मित्रसँग कारोवार गर्दा सजक रहनुहोला अनावश्यक लाल्छनाहरु लाग्न सक्छन् ।

बाहिरी वातावरण तथा खानपानमा ध्यान दिनुहोला पति पत्नीबीचको स्वास्थमा समस्या आउन सक्छ । कामको सवालमा अधिक यात्रा हुने योग रहेपनि न्यून उपलब्धिमा चित्त बुझाउनु पर्दा मनमा नरमाईलो महशुस हुनेछ ।

तुला (रा, री रु, रे, रो, ता, ती, तू ,ते)

समग्रमा महिना राम्रो रहेको छ । समाजका उच्च पदस्थ व्याक्तिहरुसँग सहकार्य गरि नयाँ काम गर्न सकिनेछ । घर जग्गा तथा सवारी साधन प्राप्तीको योग रहेको छ भने फलाम तथा इन्जिनसँग सम्बन्धीत कामहरुबाट मनग्गे आम्दानी गर्न सकिनेछ ।

आकस्मिक लाभ हुनेछ भने भौतिक सम्पती तथा सवारी साधन प्राप्तीको योग रहेको छ । बाधा अवरोधहरु स्वतः हटेर जानेछन् ।

शेयर बजार तथा सट्टाको व्यवसायबाट मनग्गे आम्दानि गर्न सकिनेछ । बौद्धिक कार्यमा सहभागी भई आफ्नो गतिलो प्रस्तुति पस्कने अवसर प्राप्त हुनेछ भने बिद्या तथा प्रतिस्पर्द्धामा प्रतिस्पर्द्धी हरुलाई उछिन्दै अगाडि बढ्न सकिनेछ ।

परिवार तथा सन्तानबाट तपाईले गरेको काममा उल्लेख्य सहयोग हुनेछ । व्यापारमा लगानी वढाउँदा लामो समय सम्म आम्दानी भईरहेनछ ।

प्रेम गर्ने जोडिहरुले एकअर्काबीच भावना साटासाट गरी समय व्यातित गर्न सक्नेछन् । शत्रु परास्त हुनेछन् भने न्यायालयबाट हुने न्यायीक निर्णयहरु तपाईकै पक्षमा हुनेछन् ।

वृश्चिक (तो,ना,नी,नू ,ने,नो,या,यी,यू)

स्थिर सम्पत्ती,घर जग्गा तथा सवारी साधनको खरिद बिक्री गर्दा ध्यान दिनुहोला घाटा लाग्न सक्छ । राजनीति तथा समाजसेवामा जनताको मन जित्न राम्रा काम गर्दा गर्दै पनि विपक्षीहरुले अनावस्यक भ्रम सिर्जना गरेर तपाईको साख गिराउन खोज्नेछन् ख्याल गर्नुहोला ।

आमा,आफन्त तथा आत्मिय मित्रहरुसँग टाडिनु पर्दा मन खिन्न हुनेछ । छाती सक्बन्धी समस्याले सताउने हुँदा दैनिक काम गर्न गाह्रो महशुस हुनेछ भने माया प्रेमको बन्धन गसिलो हुनुको साथै एक अर्कालाई विश्वास गर्दै अगाडि बढ्न सकिनेछ ।

वंश बृद्धिको योग रहेको छ भने सन्तानको प्रगती उन्नतीमा रमाउँने समय रहेको छ । बिद्या तथा प्रतिस्पर्द्धामा सहभागी हुने विद्यार्थीहरुले आफ्नो पक्षमा नतिजा ल्याएर घर परिवार तथा गुरुवर्ग हरुलाई खुसी पार्नेछन् ।

फेन्सि तथा विलाशी सामानको व्यापार व्यवसाय फस्टाएर जाने तथा साथी भाईसँग जमघट भई नयाँ नयाँ दृष्यहरुको अवलोकन गर्ने अवसर जुर्नेछ । महिनाको दोस्रो तथा तेस्रो हप्ता अरु समय भन्दा राम्रो रहेको छ ।

धनु (ये,यो,भा,भी,भू,ध,फा,ढा,भे)

वादविवाद तथा प्रतिस्पर्द्धामा प्रतिस्पर्द्धीहरुलाई हराउँदै अगाडि बढ्न सकिनेछ । न्यायलयबाट हुने न्यायीक सम्पादन तपाईकै पक्षमा हुनेछन् । माया प्रेममा सामिप्यता बढ्नुको साथै पतिपत्नीबीच मायाको डोरो कसिलो भएर जानेछ ।

छोटो तथा रमाईलो आन्तरिक यात्रा हुनेछ भने यात्राका क्रममा नयाँ ठाउँहरुको अवलोकन गर्न सकिनेछ । लेखन कलामा सुधार भएर जानेछ भने सामाजिक सञ्जाल तथा सञ्चारको माध्ययमबाट आफ्ना विचारहरु जनमानसमा लैजान सकिनेछ ।

व्यावसायमा राम्रो प्रगती हुन गई आर्थिक समृद्धीको बाटोमा लम्कन सकिनेछ । घरजग्गा तथा सवारी साधनको कारोबार फस्टाएर जानेछ भने आधुनिक कृषि तथा पशुपालन व्यावसाय अवलम्वन गर्ने किसानहरुका लागि राज्यबाट आवस्यक सहयोग प्राप्त हुनेछ ।

कारोबारबाट भने जस्तो नाफा कमाउन सकिनेछ । सेवामूलक समाजिक संघ सस्थामा सहभागि भई मिष्ठान्न भोजन ग्रहण गर्ने अवसर प्राप्त हुनेछ । अध्ययन तथा अध्यापनमा प्रतिस्पर्द्धी हरुलाई पन्छाउदै अगाडी बढ्न सकिनेछ ।

मकर (भो,जा,जी,जू,जे,जो, ख, खी, खू,खे, खो,गा,गी)

यो महिना खनिज पदार्थ तथा फलामजन्य व्यवसायमा लगानी गर्नेहरुले आम्दानीका स्रोतहरु फराकिला बनाउन सक्नेछन् । वादविवाद तथा मुद्दा मामिलमा तपाईकै जित हुनेछ ।

अदालत तथा न्यायलयबाट हुने न्यायिक निणयहरु तपाईकै पक्षमा हुनेछन् । पराक्रम बढेर जाने हुनाले शाहसिलो काम गर्ने जाँगर आउनेछ ।

लेखन कलाको माध्यामबाट आफ्ना ओजिला भनाईहरु जनमानसमा पुर्याउँन सकिनेछ । जनसम्पर्क बढ्ने तथा दाजुभाई,छरछिमेकिबाट काममा सहयोग पाईने हुनाले मन प्रशन्न रहनेछ । राज्यको नजिक भएर गरिने कामहरुबाट प्रशस्त फाईदा हुने तथा मान सम्मान तथा ईज्जत प्रतिष्ठा बढेर जानेछ ।

रमाईलो तथा महत्वपूर्ण यात्राको तय हुनेछ । बिद्या तथा प्रतिश्पर्द्धामा प्रतिश्पर्द्धीहरुलाई हराई नतिजा आफनै पक्षमा ल्याउन सकिनेछ । सामान्य स्वास्थ्य सम्बन्धि बिशेष गरि आँखामा समस्या बढ्न सक्छ ध्यान दिनुहोला ।

कुटुम्वसँगको सम्बन्धमा सामान्य मनमुटाव सिर्जना हुनेयोग रहेको छ । आर्थिक कारोबार गर्दा ध्यान दिनुहोला रुपैयाँ पैसा फस्न सक्छ ।

कुम्भ (गू ,गे,गो,सा,सी,सू ,से,सो,दा)

राम्रा पहिरनमा सजिएर अरुको मन आफूतिर आकर्षित गर्न सकिनेछ । भौतिक सुख सुविधा एवम् सत्कार मिल्ने समय रहेको छ ।

पारिवारिक जमघट तथा सभा समारोहमा सहभागि भई मिष्टान्न भोजन गर्ने अवसर जुर्नेछ । विद्यामा तथा प्रतिस्पर्द्धामा तपाईकै जित निश्चित छ ।

गीत-संगीत तथा मोडलिङ पेशा व्यवसाय अगाल्ने हरुले मनग्गे आम्दानी गर्न सक्नेछन् । आफूले माया गर्ने मान्छेलाई मन मुटुमा राख्न सकिने तथा सँगै बसेर भलाकुसारी गर्ने अवसर प्राप्त हुनेछ भने शैद्धान्तिक विषयमा आफन्त,साथीभाई तथा अग्रज व्याक्तित्वहरुसँग विवाद सिर्जना हुनेछ ।

तपाई आफ्नै कारणले मान सम्मान तथा प्रतिष्ठामा कमिको महशुस हुनेछ । विद्यामा सफलता पाउँन निकै नै संघर्ष गर्नु पर्नेछ ।

स्वास्थमा रक्तचाप,आँखा तथा पेट सम्बन्धि समस्या आउन सक्छ ध्यान दिनुहोला । कामहरु समयमा सम्पन्न नहुदा आर्थिक व्यावस्थापनको पाटो कमजोर रहनेछ ।

मीन (दी,दू ,थ,झ,ञ,दे,दो,चा,ची)

खर्च बढ्ने योग रहेको छ । अनावश्यक ठाउँमा श्रम तथा शक्ति प्रयोग हुन सक्छ ध्यान दिनुहोला । आफन्त तथा घर परिवारका मानिससँग सैद्धान्तिक विषयमा मतभेद बढ्नेछ भने मान्यजनहरुको सुझावलाई हुबहु लागु गरेर अगाडि बडे फाईदा हुने देखिन्छ ।

विदेशी भूमिमा बसेर गरिने लगानी तथा कामबाट मनग्गे आम्दानी हुनेछ भने स्वदेशी भूमिमा फाली फलाम तथा विलाशीताका सामानहरुको व्यापार व्यावसाय गर्दै हुनुहुन्छ भने ध्यान दिनुहोला घाटा लाग्न सक्छ ।

शिक्षा तथा कामको लागि लामो दुरिको विदेश यात्राको तय हुनेछ । स्वास्थ्य सम्बन्धी सामान्य समस्याले सताउँनेछ भने शरीरमा अल्छिपना बढेर जानेछ ।

साथीभाई तथा आफन्तको गलत सल्लाहले कामहरु बिग्रने हुँदा अरुको सल्लाह लिँदै निर्णय आफै गर्नुहोला । घर परिवारमा अनाश्यक भ्रम पैदा गरि झगडा गराउँन आफन्तहरु लागि पर्नेछन् ।

सामाजिक काम गर्दा ख्याल गर्नुहोला सत्रुलाग्ने तथा फसाएर तपाईको मान सम्मान तथा प्रतिष्ठा गिराउन लागि पार्नेहरुको जमात सक्रिय भएर लाग्नेछन् ।

तपाईको दिन शुभ रहोस् ।
ज्यो. दुर्गा भण्डारी ।