चक्रपथबाट गुन्डा नाइके पक्राउ

काठमाडौं । राजधानीको महाराजगन्ज चक्रपथबाट प्रहरीले गुन्डा नाइके मिलन लामालाई पक्राउ गरेको छ ।
महानगरीय प्रहरी वृत महाराजगन्जको प्रहरी टोलीले लामालाई पक्राउ गरेको हो । काठमाडौं टोखा, सामाखुसी र नुवाकोट जिल्लालाई आधार बनाई गुन्डागर्दी गर्ने लामा नुवाकोट शिवपुरि गाउँपालिका ३ का स्थायी बासिन्दा भएको बताइएको छ ।

महानगरीय प्रहरी वृत्त महाराजगन्जका प्रमुख डिएसपी उमेश लम्सालले उनीमाथि अभद्र व्यवहारमा मुद्दा दर्ता गरि थप अनुसन्धान भइरहेको जानकारी दिए ।
लामा यसअघि हातहतियार खरखजाना मुद्दा र ज्यान मार्ने उद्योगमा कारबाही भोगिसकेका व्यक्ति हुन् ।