‘ए मेरो हजुर ४’ मा पनि अनमोल-सुहाना, फिल्मको छायाँकन आजबाट शुरु

काठमाडौं । झरना थापाको निर्देशनमा बन्न लागेको चलचित्र ‘ए मेरो हजुर ४’ को छायाँकन आजबाट शुरु भएको छ ।

काठमाडौं, ललितपुर र पोखरमा छायाँकन हुने चलचित्र ‘ए मेरो हजुर ४’ को शुक्रवार काठमाडौंको कार्यविनायक मन्दिरमा पूजा गर्दै छायाँकन शुरु गरिएको हो ।

शुभारम्भ कार्यक्रममा कलाकार अनमोल केसी, सुहाना थापा, सलोन बस्नेत, निर्देशक झरना थापा, निर्माता सुनिलकुमार थापा लगायत फिल्मका प्राविधिकटिमहरुको उपस्थिति रहेको थियो ।

प्रेमकथामा आधारित भएर बन्न लागेकोचलचित्र ‘ए मेरो हजुर ४’ आउँदो वर्षको दशैँमा रिलिज गर्ने योजना सहित निर्माण गर्न लागिएको हो ।

अनमोल र सुहानाको जोडीले यस अगाडि चलचित्र ‘ए मेरो हजुर ३’ माअभिनय गरेका थिए । उनीहरुको जोडलिाई फिल्ममा दर्शकहरुले अत्याधिक रुचाएका पनि थिए ।