कांग्रेस संस्थापन इतरको भेला नेता सिंहको घरमा

काठमाडौं । नेपाली कांग्रेसका नेता प्रकाशमान सिंहको घरमा संस्थापन इतरको भेला सुरु भएको छ ।

चाकसिबारी ठमेलमा जिल्ला सभापति , उप सभापति र केन्द्रीय सदस्यीयहरुको छलफल सुरु भएको स्रोतले जनाएको छ ।

पछिल्लो समय पार्टी सभापति शेरबहादुर देउवाले एकलौटी रुपमा विभिन्न विभागहरु गठन गरेको विषयमा संस्थापन इतरका नेताहरु असन्तुष्ट देखिएका थिए ।

त्यसै अनुरुप सभापतिको एक निर्णय तथा त्यसले पार्टीभित्र देखिएको असमानता साथै आगामी रणनीतिक कार्यदिशा तयार गर्नको लागि उक्त भेला राखिएको एक नेताले बताए ।

त्यसै अनुरुप पार्टीका वरिष्ठ नेता रामचन्द्र पौडेलले सभापति देउवाको कार्यशैली प्रति असन्तुष्टी जनाउदै चर्काे आलोचना गर्दै आएका छन् ।

यस अघि पनि सभापति देउवाले पार्टीमा गरेको एकल निर्णयका विरुद्ध संस्थापन इतरका नेताहरुले खबरदारी गर्दै आएका थिए ।