एकैपटक तोलामा २२ सयले बढ्यो सुन, कति पुग्यो ?

काठमाडौं । नेपाली बजारमा आज सुनको मूल्यमा एकैपटक २२ सयले बृद्धि भएको छ । मंगलवार प्रतितोला छापावाला सुनको मूल्य ७८ हजार ३ सय रहेकोमा आज तोलामा एकै पटक २२ सयले बृद्धि भइ प्रतितोला सुन ८० हजार ५ सय कायम भइ कारोवार भइरहेको नेपाल सुन चाँदी व्यवसायी महासंघले जनाएको छ । जुन मूल्य हालसम्म कै उच्च हो । त्यस्तै आज तेजावी सुनको मूल्य ८० हजार २ सय रहेको छ ।

साथै आज चाँदीको मूल्य पनि तोलामा २० रुपैयाले बृद्धि भएको छ । मंगलवार चाँदीको मूल्य ८ सय ६० रहेको थियो । भने आज मूल्यमा बृद्धि भइ प्रतितोला चाँदी ८ सय ८० मा कारोवार भइरहेको पनि महासंघले जनाएको छ ।