काठमाडौं । मिस वर्ल्ड २०१९ की विजेता टोनी एन सिंह नेपाल आउँदैछिन्। तीनदिने नेपाल भ्रमणका लागि टोनी फागुन २२ गते विहान १०ः१५ मा त्रिभुवन अन्तर्राष्ट्रिय विमानस्थलमा ओर्लिने छिन्।
नेपाल भ्रमणको क्रममा टोनीले सिन्धुपाल्चोकदेखि मकवानपुरको भ्रमण गर्नेछिन्।
२३ फागुनमा उनी सिन्धुपाल्चोकको हेलम्बु गाउँपालिकामा निर्माणाधीन हिमालयन ग्रेट ट्रेलको अवलोकनमा जानेछिन्मि भने नेपाल २०१९ कि विजेता अनुष्का श्रेष्ठको पहलमा हेलम्बुको सोस्लिङ प्रोजेक्टको पनि अवलोकन गर्ने कार्यक्रममा उनी सहभागी हुनेछिन् ।
संस्कृति, पर्यटन तथा नागरिक उड्डयन मन्त्रालयको समन्वयमा टोनीसहित मिस वर्ल्डको टोली आउन लागेको हो ।
मिस वर्ल्ड नेपालमा आयोजना गर्न सकिने वा नसकिने भन्नेबारे सम्भाव्यता अध्ययन गर्नु भ्रमणको अर्को उद्देश्य रहेको छ ।
नेपालले मिस वर्ल्डमा सबैभन्दा महत्त्वपूर्ण मानिएको ब्यूटी विथ पर्पज तीनपटक जितिसकेको छ। यसलाई मिस वर्ल्डपछिको सबैभन्दा महत्त्वपूर्ण उपाधि मानिन्छ ।
३ पटक ब्यूटी विथ पर्पज अवार्ड जितेपछि मिस वर्ल्डले नेपाललाई विशेष प्राथमिकतामा राख्दै आएको छ।
यो खबर पढेर तपाईलाई कस्तो महसुस भयो ?
प्रतिक्रिया