काठमाण्डौं, १ असोज ।नेपाली काँग्रेस नुवाकोटका सभापति तथा सांसद जगदिश्वर नरसिंह केसी माथि लगाईएको अन्तर्घातको आरोप निराधार भएको निवेदन काँग्रेस केन्द्रीय कार्यालयमा परेको छ । नुवाकोटको बेलकोटगढी नगरपालिकाका विभिन्न वडाका वडाध्यक्ष र सदस्यका उमेदवारहरुले आईतवार केन्द्रीय कार्यालय सानेपामा निवेदन दर्ता गरेका हुन ।
स्थानीय तह निर्वाचनका क्रममा अन्तर्घात गरेको भन्दै बेलकोटगढी नगरपालिकाका प्रमुखका उमेदवार यादव नेपालले केसीलाई कारवाही गर्न माग गर्दै एक साता अघि पार्टी केन्द्रीय कार्यालयमा उजुरी हालेका थिए ।सभापति केसीको बचाउ गर्दै बेलकोटगढीका अधिकांस वडाका उमेदवारहरुले केसीले अन्तर्घात नगरेको प्रष्टोक्ति सहितको निवेदन केन्द्रीय कार्यालयमा दर्ता गराएका हुन ।यस्तै पार्टीले नगरप्रमुखमा टिकट नदिएको भन्दै स्वतन्त्र उमेदवारी दिई पछि फिर्ता लिएका भुपेन्द्र बानियाँले पनि केन्द्रीय कार्यालयमा छुट्टै निवेदन दर्ता गराएका छन । उनले आफ्नो निवेदनमा भनेका छन । केसीकै दबावमा आँफुले उमेदवारी फिर्ता लिएको र आधिकारिक उमेदवार यादव नेपाललाई सहयोग गरेको तर तिनै केसीलाई अन्तर्घातको आरोप लगाउनु प्रतिशोध मात्र हो ।
हालै सम्पन्न स्थानीय तह निर्वाचनमा बेलकोटगढी नगरपालिकामा प्रताप सिंह लामाले आधिकारिक उमेदवारी दर्ता गराए पनि पछि पार्टी सभापति शेरबहादुर देउवाको ठाडो निर्देशन भन्दै यादव नेपालले उमेदवारी दिएका थिए ।
यो खबर पढेर तपाईलाई कस्तो महसुस भयो ?
प्रतिक्रिया