काठमाडौं- फिल्म ‘म यस्तो गीत गाउँछु २’को प्रदर्शन विज्ञप्ती निकालेर स्थगित गरिएको छ।
गत डिसेम्बर अन्तिम साता चीनको वुहानबाट सुरु भएर विश्वव्यापी रुपमा फैलिरहेको कोरोना भाइरस ‘कोभिड- १९’ को त्रासले निर्माण टिमले फिल्मको प्रदर्शन स्थगित गरेको हो।विज्ञप्तिमा ‘नेपाल सरकार र जिल्ला प्रशासनले मेला महोत्सव र भिडभाड हुने कार्यक्रम नगर्न सूचना जारी गरिसकेको छ। चलचित्र निर्माता संघले पनि चलचित्रको छायांकन रोक्न आग्रह गरिसकेको अवस्थामा हामीले आम मानिसको स्वास्थ्यलाई ध्यानमा राखेर चलचित्रलाई पछाडि सार्ने निधो गरेका छौं।’ भनिएको छ ।
निर्माण टिमले फागुन ३० गतेदेखि प्रदर्शन गरिने भनिएको फिल्म अर्को सूचना नआउदासम्म प्रदर्शन नगरिने जनाएको छ। कोरोना भाइरसबाट बच्न सरकारले भिडभाडमा नजान, सभा समारोह आयोजना नगर्न अनुरोधसँगै निर्देशन दिएको छ ।
‘कोभिड- १९’ का कारण यो समाचार तयार पार्दासम्म ३ हजार ३ सय ८७ जनाको मृत्यु भइसकेको छ ।
पछिल्लो पटक झनै भयावह रुपमा फैलिरहेको यस भाइरसको कारण ९८ हजार ४ सय ४० जना संक्रमित भइसकेका छन् भने ५५ हजार ६ सय मानिस ६० जना मानिस संक्रमणको आशंकामा अस्पतालमा उपचार गरी घर फर्किएका छन् ।
यो खबर पढेर तपाईलाई कस्तो महसुस भयो ?
प्रतिक्रिया