चिया नपिएसम्म केहि काम नगर्ने घोडा (भिडियोसहित)

काठमाडौं । संसारमा लत भन्ने कुरा कुनै गलत मात्र हुन्छ भन्ने छैन । कोहि मानिसहरुलाई चिया, कफि पिउने, गीत सुन्ने लगाएतका बिभिन्न लतहरु हुन्छन् । यस्तैमा हामी आज चिया कफिको लतको बारेमा चर्चा गर्छौ । जुन साधरण तया मानिसहरुलाई मात्र यस्को लत लागेको हुन्छ । तर दुनियामा यस्तो अनौठो स्थान पनि छ जहाँ मानिसलाई मात्र नभई घोडालाई समेत चियाको लत लागेको छ ।

बेलायतमा हालै यस्तो कुरा सार्वजनिक भएको हो । जहाँ एउटा प्रहरीको घोडालाई चियाको लत लागेको छ । ज्याक नाम गरेको मर्सीसाइड पुलिसको उक्त घोडालाई चियाको लत पनि यसरी लागेको छ की त्यसले चिया पिउन नपाएसम्म कुनै काम गर्दैन । २० वर्षको ज्याकले चिया पिए पश्चात भने दैनिक कामको लागि निस्किन्छ ।

बिगत १५ वर्षअघि देखि ज्याकलाई चियाको लत बसेको मिडिया रिपोर्टले जनाएको छ । यस अघि ज्याकमा सवार कुनै एकजना पुलिस कर्मचारीले आफुले खाएर बँचेको चियाको कप ज्याकको नजिकै राखिदिए पछि उसलाई चियाको लत लागेको हो । आगामी वर्ष पुलिस सेवाबाट निवृत्त हुने ज्याकले चिया पिएको भिडियो सोसल मिडियामा निकै भाईरल भईरहेको छ । एजेन्सीको सहयोगमा