एकैपटक तोलामा ३ हजारले घट्यो सुनको मूल्य

काठमाडौं । नेपाली बजारमा आज सुनको मूल्य तोलामा ३ हजारले कमि आएको छ । बिहीवार प्रतितोला छापावाला सुनको मूल्य ८१ हजार ५ सय रहेको थियो । भने आज मूल्यमा भारी गिरावट आइ प्रतितोला छापावाला सुन ७८ हजार ५ सय कायम भइ कारोवार भइरहेको नेपाल सुन चाँदी व्यवसायी महासंघले जनाएको छ । त्यस्तै आज तेजावी सुनको मूल्य ७८ हजार २ सय रहेको छ ।

आज चाँदीको मूल्य पनि तोलामा ४० रुपैयाँले कमि आएको छ । बिहीवार प्रतिोला चाँदीको मूल्य ८ सय ६० रहेको थियो । भने आज मूल्यमा कमि आइ चाँदीको मूल्य ८ सय २० कायम भइ कारोवार भइरहेको पनि महासंघले जनाएको छ ।