कोरोना भाइरसका कारण बेलायतमा मृत्यु हुनेको संख्या २१ पुग्यो, १ हजार १४० मा संक्रमण

काठमाडौं। कोरोना भाइरसका कारण बेलायतमा मृत्यु हुनेको संख्या २१ पुगेको छ ।

चीनको वुहानबाट फैलिएको कोरोना भाइरसका कारण हाल युरोपमा बढी संक्रमण फैलिएको छ । बेलायतमा कोरोनाको संक्रमित संख्या १ हजार १ सय ४० जना पुगेको छ ।

इंग्ल्यान्डमा सबैभन्दा धेरैजनामा संक्रमण देखिएको छ । यस्तै, स्कटल्यान्डमा १ सय २१ जना, वेल्समा ६० जना र उत्तरी आयरल्यान्डमा ३४ जनामा संक्रमण भएको पुष्टि भइसकेको छ ।

बेलायती प्रधानमन्त्री बोरिस जोनसनले सबैजनाले भाइरसविरुद्ध एकीकृत रुपमा लड्नु पर्ने बताएका छन् ।

संक्रमित बढेसँगै बेलायतभर अस्पतालमा भेन्टिलेटर र स्वास्थ्य उपकरणको संख्या बढाउन थालिएको छ। सरकारी अस्पताल बाहेक प्राइभेट अस्पतालका बेडहरु समेत उपयोग गर्न मिल्ने गरी तयारी गरिएको छ । एजेन्सी