काठमाडौं । हिट बलिउड सिरिज ‘म्याट्रिक्स’ मा बलिउड अभिनेत्री प्रियंका चोपडाले इन्ट्री गर्दैछिन्। मिडिया रिपोर्टका अनुसार प्रियंका सिरिजको चौथो फिल्ममा देखिँदै छिन् ।
एक्ट्रेसले आफ्नो हलिउड डेब्यु युएस टिभी सिरिज क्वान्टिको बाट गरेकी थिइन् । साथै उनले ‘बेवन्च’मा पनि अभिनय गरिसकेकी छन् ।
अंग्रेजी वेबसाइट भ्याराइटीका अनुसार प्रियंकालाई ‘म्याट्रिक्स’ सिरिजमा सामेल गर्ने कुरा अन्तिम चरणमा पुगेको छ । फिल्ममा उनले कुन रोलमा काम गर्नेछिन् भन्ने कुरा खुलाईएको छैन ।
फिल्ममा प्रियंकाको साथै कीनु रिभ्स, क्यारी एन मस, नील प्याट्रिक पनि रहेका छन् । उनले ‘बेवञ्च’मा पनि अभिनय गरिसकेकी छन् ।
उक्त सिरिजको पहिलो फिल्म ‘द म्याट्रिक्स’ सन् १९९९ मा रिलिज भएको थियो । फिल्ममा कीनु रिभ्स र लरेन्स फिसबर्नले अहम भूमिका निभाएका थिए ।
दोश्रो फिल्म ‘द म्याट्रिक्स रीलोडेड’ र तेश्रो फिल्म ‘द म्याट्रिक्स रिभ्याल्युशन’ सन् २००३ मा रिलिज भएको थियो ।
यो खबर पढेर तपाईलाई कस्तो महसुस भयो ?
प्रतिक्रिया