काठमाडौं । यो ईदमा बलिउड अभिनेता सलमान खानको योजना इंशाल्लाह फिल्म रिलिज गर्ने थियो, तर सञ्जय लीला भन्सालीसँग मतभेद भएको कारण फिल्म बन्द भयो र यस्तो समस्या खडा भयो कि,यस ईदमा सलमानको कुन फिल्म रिलिज हुन्छ ? ईदमा आफ्नो फिल्म रिलिज गर्नु सलमान आफ्ना फ्यान्स प्रतिको कर्तव्य सम्झन्छन् ।
ईदलाई उनी खाली जान दिन चाहदैन थिए । त्यसपछि उनले अचानक राधेको योजना बनाएर र निर्देशकको जिम्मेवारी प्रभुदेवालाई दिए ।
उक्त फिल्मको सुटिङ तिव्र भईरहेको छ । साथै कोरोना भाइरसका कारण समस्या पनि उत्पन्न भईरहेको छ । तर ईदमा यो फिल्म रिलिज हुनेमा फ्यानहरु आशावादी छन् ।
फिल्म कम समयमा बनाउनु भएकोेले राधेको अवधि पनि कम राखिएको छ । भारतीय सञ्चारमाध्यमका अनुसार यो फिल्म २ घण्टा १० मिनेट भन्दा पनि थोरै समयको छ । तर यो फिल्मको अहिले शुटिङ चलिरहेको छ । र फाइनल एडिटिङ पछि नै फिल्म कति लामो छ भन्ने बारेमा थाहा पाउन सकिनेछ ।
तर मेकर्स धेरै लामो समयको अवधि राख्न चाहदैनन् । यो एउटा थ्रिलर मुभी हो र फिल्म तिव्र गतिको तर छोटो हुनुपर्ने बताइएकोे छ ।
अहिलेसम्ममा सलमानको दबंग २ थोरै समयको फिल्म थियो । अब राधे उनको करियरकै सबैभन्दा सानो फिल्म हुनसक्ने छ ।
यो खबर पढेर तपाईलाई कस्तो महसुस भयो ?
प्रतिक्रिया