नेपालकी मनिता देवकोटा विश्वकै सुन्दर महिलाहरुको सूचीमा

काठमाडौं । सन् २०१८ की ‘मिस नेपाल युनिभर्स’ मनिता देवकोटा संसारकै सबैभन्दा सुन्दर महिलाहरूको सूचीमा परेकी छन् । अहिले मनिता अमेरिकामा मोडलिङ गर्दै आएकी छन् ।

मनिताले सन् २०१८ मा मिस नेपालको ताज पहिरिएकी थिइन् । उनै मनितालाई संसारकै सबैभन्दा सुन्दर महिलाहरूको सूचीमा समावेश गरिएको भारतीय पत्रिका जीन्यूजले उल्लेख गरेको छ । सामाजिक सञ्जाल प्रयोगकर्ताले उनका तस्वीरहरू व्यापक रुचाएका छन् ।

उनी मिस युनिभर्सकी टप टेनमा स्थान बनाउन सफल प्रतियोगी समेत हुन् । थाइल्याण्डको बैंककमा उनले सन् २०१८ को मिस युनिभर्सको नेसनल गिफ्ट एक्सनको फर्स्ट प्राइज पाएकी थिइन् । उनी हाल अमेरिकामा बस्दै आएकी छन् ।