काठमाडौं । संसारमा प्रेमी जोडीहरुले गरेका माया, त्याग लगाएतका कारणले चर्चित रहेका हुन्छन् । तर इटालीमा एउटा यस्तो जोडी छ जो प्रेम र प्रेममा गरेको त्यागबाट नभएर व्यवहारबाट चर्चित छन् ।
डेनिस नाम गरेका एक युवक र उनकी प्रेमीका इलारियाले एक अर्काको रगत पिउने गर्दछन् । द मिररका अनुसार करीब पाँच वर्ष पहिले डेनिस नामका ती युवकलाई सर्कसका लागि एकजना सहायक चाहिएको थियो ।
त्यही क्रममा उनको इलारिया नामकी युवतीसँग चिनाजानी भएको थियो । पछि उनिहरु प्रेम सम्बन्धमा रहेर संगै बस्दै आएका छन् ।
जर्मनीमा एकपटक भूतको कथामा आधारित एक शो हेरेसँगै उनीहरुले एक अर्काको रगत पिउन सुरु गरेका हुन् । उक्त शोमा प्रेम प्रेमिकाले एक अर्काको रगत पिउँदथे ।
त्यसयता उनीहरुले निरन्तर एक अर्काको रगत पिउँदै आएका छन् । उनीहरुले एकअर्काको रगत खादाँ माया अझै बढ्ने तथा दुवैको व्यवहारमा पनि समानता ल्याउँने विश्वास लिदै आएका छन् ।
एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया