काठमाडौं । बलिउड अभिनेता टाइगर श्रफ गएका २/३ वर्ष यता दर्शकहरुको मन जित्न सफल बन्दै आएका छन् । छोटो समयमै टाइगरले बिभिन्न हिट फिल्म प्रश्तुत गरिरहेका छन् ।
उनको फिल्मले बक्स अफिसमा राम्रो कमाई गरेपछि उनलाई फिल्म निर्माताहरुले अत्याधिक डिमान्ड गरिरहेका छन् । तर धेरै सफलता कमाए पनि उनी बलिउडमा प्रवेश गर्दा बेलाको जस्तै विनम्र नै छन् ।
उनी आफ्ना सिनियर्सहरुको एकदमै सम्मान गर्दछन् । फ्यान्सहरुले उनको तुलना चर्चित बलिउड नायक सलमान खानसँग गर्न थालेका छन् ।
भविष्यमा सलमानको ठाउँ उनले लिने कुरा धेरैले बताइसकेका छन् । तर टाइगरले सलमानलाई सुपरस्टार बताउँदै भने, यदि सलमानको ब्रासलेटलाई सोसल मिडियामा पेज बनाईदिने हो भने, ब्रासलेटका फलोअर्स मेरा भन्दा धेरै हुनेछन् ।
उनले भने सलमानको ब्रासलेट म भन्दा धेरै पपुलर छ ।
एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया