कैलालीमा विस्फोट हुँदा एक जनाको मृत्यु

कैलाली । कैलालीको गोदावरी नगरपालिका-४ मा विस्फोट पदार्थ पड्किदा एक जनाको मृत्यु भएको छ । प्रहरीका अनुसार गोदावरी नगरपालिका फुलबस्तीमा भएको विस्फोटमा स्थानीय नरबहादुर विकको मृत्यु भएको हो ।

जिल्ला प्रहरी कार्यालय कैलालीका प्रहरी नायव उपरीक्षक दक्ष कुमार बस्नेतले लोकपथलाई बताए अनुसार विकले घर नजिकै तामा जस्तो देखिने वस्तु भेटेको र आरनमा पगाल्न खोज्दा पड्किएर उछिट्टिदा उनको मृत्यु भएको बताएका छन् । उनले घटनाको थप अनुसन्धान भइरहेको बताएका छन् ।