मस्र्याङ्दीमा बस खस्दा तीन जनाको मृत्य, १३ जना घाइते

काठमाडौं । गोरखाको आँबुखैरेनीको ऐनापहराबाट मस्र्याङ्दीमा बस खस्दा तीन जनाको मृत्य भएको छ भने, १३ जना घाइते भएका छन् ।

पोखराबाट नेपालगञ्ज जाँदै गरेको ना ५ ख ४२९४ नम्बरको बस आइतबार साँझ ६:३० बजे सडकबाट करिब एकसय मिटर तल खसेको जिल्ला प्रहरी कार्यालय तनहुँका प्रहरी उपरीक्षक बिनोद सिलवालले लोकपथलाई बताए ।

उनका अनुसार तीन जनाको शव भेटिएको छ । मृतकको सनाखत हुन सकेको छैन । उद्धार कार्य जारी रहेको र घाइते १३ जनाको उद्धार भएको उनले बताए । बसमा सवार धेरै यात्रु घाइते भएका छन् । घटना बारे थप विवरण आउन बाँकी छ ।