काठमाडौं । भारतको राजस्थानको एउटा अचम्मको घटना बाहिरिएको छ । राजस्थानको झुन्झुनमा एक व्यक्ति मरेको ४ घण्टापछि फेरि जिवित भएका छन् ।
राजस्थानको झुन्झुनका बुद्धराम गुर्जर मृत्यु भएको ४ घण्टापछि फेरि जिवित भएका हुन् । उनको मृत्य भयो भनी परिवारले अन्तिम संस्कारको तयारी पनि पूरा गरिसकेका थिए । बालुराम र रणजीत गुर्जरको बुवा बुद्धराम गुर्जरको दिउँसो १ः३० बजे मृत्यु भयो । बुद्धरामको मृत्यु भएको खबर उनको आफन्तजनलाई पनि गरियो । र, अन्तिम संस्कारको पनि तयारी भयो । दागबत्ति दिनको लागि दुई छोराहरुले कपालसमेत काटिसकेका थिए ।
मानिसहरु सबैजना शोकमा थिए । तर ४ घण्टापछि परिस्थीतिले नयाँ मोड लियो । जब परम्परा अनुसार बुद्धरामको शरीरलाई स्नान गराउन लगियो । त्यो समयमा उनको शरीरमा सास चलिरहेको थाहा भयो र उनलाई खाटमा सुताइयो ।
केहि समयपछि उनलाई बिस्तारै ठिक हुदैँ गयो र उनी सानो स्वरमा बोल्नसमेत थाले ।
एजेन्सी
यो खबर पढेर तपाईलाई कस्तो महसुस भयो ?
प्रतिक्रिया