चोक चोकमा जनताहरुको चड्कन खानुपर्छ !

गजल

मौका यहि हो यस्तो बेला चाहिँ झन खानुपर्छ,
औषधी मात्र होइन कात्रोमा कमिसन खानुपर्छ

तिम्रै छोरा भतिजाको रहेछन ठुलो भुडि देशमा,
रगत चुसि जनको यीनलाई मिठोपन खानुपर्छ ।

तिम्रै छ यहाँ आज राज लुट लुट्न सक्या जति,
तिम्रै ठुलो छ आवाज हामीले वचन खानुपर्छ ।

खै कस्तो राजनीति तिम्रो बुझ्न कठिन भयो,
साच्चै नै सेवक बन्न जनताको मन खानुपर्छ ।

सधै यस्तै पारा हो भने बुझि राख अब तिमी
चोक चोकमा जनताहरुको चड्कन खानुपर्छ ।

रचनाकारः शम्भु प्रसाद पुडासैनी
बेलकोटगडि ०८, नुवाकोट
हाल काठमाडौं ।