काठमाडौं, २३ माघ । इङ्गलिस प्रिमियर लिगको साविक विजेता चेल्सीले आफ्नो खराब लय कायम राखेको छ गत साता बर्नमाउथसँग आफ्नै मैदानमा ३–० ले पराजित भएको चेल्सी गएराति वाटफोर्डको मैदानमा ४–१ को अप्रत्यासित हार व्यहोर्न बाध्य भयो खेलमा घरेलु टोली वाट्फोर्डलाई विजयी गराउन ट्रोए डिनी, यानमत, जेरार्ड डेलोफु र रोबर्टो परेराले १–१ गोल गरे वाट्फोर्डले खेलको अन्तिम ६ मिनेटमा तीन गोल गरेको थियो । चेल्सीका लागि एडिन हाजार्डले एक सान्वना गोल गरे । खेलको ३० औं मिनेटमै बाकायोको दोहोरो पहेँलो कार्ड खाँदै बाहिरिएपछि चेल्सी १० जनामा समेटिएको थियो गएरातिका खेलपछि प्रिमियर लिगको अंक तालिकामा २६ खेलबाट ६९ अंक जोडेको म्यान्चेस्टर सिटी शीर्ष स्थानमा छ भने ५६ अंकसहित म्यान्चेस्टर युनाईटेड दोस्रो, ५१ अंक रहेको लिभरपुल तेस्रो र ५० अंकसहित चेल्सी चौथो स्थानमा रहेका छन् ।
यो खबर पढेर तपाईलाई कस्तो महसुस भयो ?
प्रतिक्रिया