होटलमा युवती बलात्कारको अभियोगमा एक पक्राउ

काठमाडौं, २३ माघ । सुनसरीको धरान उपमहानगरपालिका–२ स्थित संखुवासभा होटलमा एक युवतीलाई बलात्कार गरेको अभियोगमा एक युवक पक्राउ परेका छन् होटलमा लगेर २० वर्षीय युवती बलात्कार गरेको आरोपमा खोटाङ दिप्रुङ गाउँपालिका–३ का २२ वर्षीय नविन राई पक्राउ परेका हुन् राईले गत १३ पुसमा धनकुटाको चौबिसे गाउँपालिका–५ घर भइ सुनसरीको धरान उपमहानगरपालिका–१६ बस्दै आएकी ती युवतीलाई होटलमा जबरजस्ती करणी गरेको प्रहरीले जनाएको छ होटलको कोठा नम्बर १०२ मा आफूमाथि बलात्कार भएको भन्दै पीडितले इलाका प्रहरी कार्यालय, धरानमा सोमबार जाहेरी दिएपछि राईलाई प्रहरीले पक्राउ गरी थप अनुसन्धान सुरु गरेको हो ।