काठमाडौं । सोसल मिडियामा अहिले एउटा भिडियो अत्याधिक भाइरल बनिरहेको छ । सार्वजनिक भिडियोहरु कहिले डराउनेवाला हुन्छन् त कोहि हसाउने वाला । तर यो भिडियो भने थोरै फरक छ ।
यो भिडियो जम्मा ४९ सेकेण्डको छ । तर यसमा तपाईले सन् २०२० को पूरा झल्को देख्न सक्नुहुनेछ ।
यो भिडियो रेक्स च्याम्पियनले आफ्नो ट्वीटर अकाउण्टमा शेयर गरेका हुन् । उनले क्याप्सनमा भिडियो शेयर गर्दै लेखेका छन्, ‘२०२०, ४९ सेकेण्डमा ।’
यो भिडियो अहिले सामाजिक सञ्जालहरुमा अत्याधिक भाइरल बनिरहेको छ ।
2020 in 49-seconds… https://t.co/vun8XpYAVk
— Rex Chapman🏇🏼 (@RexChapman) April 7, 2020
के छ भिडियो भित्र ?
भिडियोमा हामीले रेक्सले बाँस्केटबल खेलिरहेको देख्न सक्दछौँ, तर खेल्दा खेल्दै बल माथि नै अडिकन्छ । त्यसपछि उनी चप्पलले बललाई झार्न खोज्छन्, फेरी चप्पल पनि त्यहाँ अड्किन्छ ।
त्यसपछि बल र चप्पल झार्न उनी अर्काे चप्पलको प्रयोग गर्दछन् । फेरी अर्काे चप्पल पनि त्यहाँ अड्किन्छ । यस्तै भिडियो रहेको छ ।
यस्तै अवस्था सन् २०२० को पनि छ । कोरोना भाइरसले अहिले सारा विश्वलाई सबै कुरामा अड्काएको छ ।
कोरोना भाइरसको कारण सारा विश्वभर यो समाचार तयार पार्दासम्म ९० हजार ९९८ जनाको ज्यान गईसकेको छ भने, १५ लाख ३९ हजार ११९ जनामा संक्रमण देखिएको छ । त्यस्तै ३ लाख ४० हजार ५८६ जना उपचार पछि निको भएर घर फर्किएका छन् ।
एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया