मायाले जित्यो कोरोना , ५५ दिनमा श्रीमानलाई श्रीमतीले लेखिन् ४५ लव लेटर

लोकपथ संवाददाता

२०७६,चैत्र,२९,शनिवार १५:३९

काठमाडौं । जतिसुकै ठूलो समस्या किन नआओस्, साँचो मायालाई कसैलै टुक्राउन सक्दैन । कोरोना भाइरसले पनि साँचो मायालाई टुक्राउन सकेन ।

यो घटना हो, एक वृद्ध दम्पत्तिको ।

भएको के थियो ?

श्रीमानलाई कोरोना भाइरसको संक्रमण भयो । उनी अस्पतालमा भर्ना भए ।

कोरोनाको महामारीका कारण श्रीमती आफ्ना श्रीमानसँग भेट्न सक्दिन थिइन् । किनभने पूरा शहर नै लकडाउन थियो । तर उनले आफ्ना श्रीमानको मायाँ पाउन र दिन श्रीमानलाई चिठी भने लेख्न छोडिनन् ।

चीनको हांगझोउ शहरमा बस्ने ८४ वर्षकी हुआंग गुओकीका ९० वर्षीय श्रीमान मिस्टर सन कोरोना भाइरसको कारण अस्पतालमा भर्ना भएका थिए ।

गएको एक वर्षदेखि उनी श्वास फेर्न समस्या हुने तथा डिमेन्सियाका बिरामी थिए ।

हुआंग श्रीमानसँग भेट्नको लागि हरेक दिन अस्पताल जाने गर्दथिन् । उनको सेवा गर्थिन् । तर त्यहि बेला कोरोना भाइरसको महामारी फैलिन शुरु भयो, जसका कारण शहर पूरा लकडाउन भयो र मानिसहरु घरमै बस्न बाध्य भए ।

अस्पतालले पनि आईसीयू मा भिजिटर्सहरुलाई जान रोकि दियो । हुआंग पनि त्यसमै फसिन् ।

अस्पतालका सबै जना उनीहरुलाई ‘हजुरआमा हुआंग’ र ‘हजुरबुवा सन्’ भनेर बोलाउने गर्दथे । हुआंग हरेक दिन फ्रुट

लिएर सनलाई भेट्न अस्पताल जान्थिन् । तर १ फेब्रुरीबाट शहर लकडाउन भयो र उनी घरमै फसिन् ।

शहर लकडाउन भएपछि उनले आफ्ना श्रमिानलाई चिठी लेख्न थालिन् । उनले चिठीमा लेखिन्, ‘रोगसँग लड्न र म बाट टाढा रहनका लागि तपाईले आफूलाई मजबुत बनाउनु पर्छ,हामी सबै ठिक छौँ, डाक्टर तथा नर्सहरुले जे भन्नुहुन्छ तपाई त्यहि मान्दै जानु,म तपाईलाई धेरै मायाँ गर्दछु ।’