अमेरिकामा २३ हजार भन्दा बढीको कोरोनाको कारण मृत्यु, यस्तो छ संक्रमितको भयावह अवस्था !

विश्वव्यापी महामारी फैलिएको कोरोना भाइरसको कारण विश्वमा यो समाचार तयार पार्दा सम्म १ लाख १८ हजार ९ सय ८४ जनाको मृत्यु भएको छ । भने १९ लाख १५ हजार १४९ जनामा कोरोनाको संक्रमण रहेको छ ।

त्यस्तै ४ लाख ४१ हजार २३२ जना उपचार पछि निको भएका छन् । त्यस्तै ५१ हजार ७२० जनाको अवस्था गम्भीर रहेको छ ।

कोरोना महामारीका कारण अत्याधिक प्रभावित देश अमेरिकामा यो समाचार तयार पार्दासम्म २३ हजार ४ सय १४ जनाले ज्यान गुमाएका छन् । त्यस्तै ५ लाख ८२ हजार ६५ जनामा संक्रमण रहेको छ ।

आज मात्रै अमेरिकामा २७ सय ९ जना नयाँ संक्रमित फेला परेका छन् भने आजै ७३८ जनाको ज्यान गएको छ । कोरोनाको कारण अमेरिकामा ११ हजार ८०७ जनाको अवस्था गम्भीर रहेको छ ।

अमेरिकाको न्युयोर्कमा आज मात्रै थप ६७१ जनाले ज्यान गुमाएका छन् । योसँगै न्युयोर्कमा मृत्यु हुनेको संख्या १० हजार ५६ पुगेको छ ।

त्यस्तै त्यहाँ १ लाख ८९ हजार ४१५ जनामा संक्रमण रहेको छ । त्यस्तै न्युजर्सीमा भाइरसका कारण मृत्यु हुनेको संख्या २ हजार ३५० पुगेको छ ।