काठमाडौं । विश्वव्यापी महामारीको रुपमा फैलिएको कोरोना भाइरसको कारण विश्वभर १ लाख २४ हजार भन्दा धेरै मानिसको मृत्यु भइसकेको छ । यो समाचार तयार पार्दासम्म विश्वभर १ लाख २४ हजार ९ सय १८ जनाको मृत्यु भइसकेको छ । भने १९ लाख ७९ हजार ८ सय ३९ जना कोरोना संक्रमणको शिकार भएका छन् । त्यस्तै ४ लाख ६५ हजार ६ सय ५५ जना उपचार पछि निको भएर घर फर्किएका छन् ।
फ्रान्समा मात्र कोरोना भाइरसको कारण १५ हजार ७ सय २९ जनाको ज्यान गइसकेको छ । भने आजमात्र ७ सय ६२ जनाको मृत्यु भएको तथ्यांकले देखाएको छ । अहिलेसम्म १ लाख ४३ हजार ३ सय ३ जना कोरोना संक्रमणको शिकार भएका छन् ।
त्यस्तै नेपालमा हालसम्म १६ जनामा कोरोनाको संक्रमण देखिएको छ । भने १ जना उपचारपछि निको भएर घर फर्किएका छन् । आजमात्र विभिन्न ठाँउमा गरिएको परीक्षण पछि ५ जना नयाँ संक्रमित थपिएका छन् ।
यो खबर पढेर तपाईलाई कस्तो महसुस भयो ?
प्रतिक्रिया