कोरोना संक्रमण भएको कति दिनपछि श्वास फेर्न समस्या हुन्छ ? १ देखि १० दिनबीचमा देखिन्छन् यी समस्या

लोकपथ संवाददाता

२०७७,बैशाख,४,बिहीवार १९:१६

काठमाडौं । सारा विश्वमा महामारीको रुप लिएर फैलिएको कोरोना भाइरसका कारण यो समाचार तयार पार्दासम्म विश्वमा १ लाख ३६हजार ४८ जनाको ज्यान गएको छ भने २१ लाख ६६७ जनालाई संक्रमण भएको छ ।

त्यस्तै ५ लाख २३ हजार ९३२ जना उपचार पछि निको भएका छन् भने ५१ हजार १०९ जनाको अवस्था गम्भीर रहेको छ ।

यसैबीच महामारीको लक्षण सहजै पत्ता नलाग्नाले कोरोना भाइरस चुनौतिपूर्ण बन्दै गएकोे वैज्ञानिकहरुको भनाई छ ।

कोभिड-१९ को संक्रमण भएपछि अत्याधिक ज्वरो आउने, खोकी लाग्ने, श्वास प्रश्वासमा समस्या हुने, जाडो हुने आदि लक्षणहरु देखा पर्दछन् । तर पछिल्लो समयमा भने बिना कुनै लक्षण पनि कोरोनाका संक्रमित पाइन थालेको छ ।

जसका कारण वैज्ञानिकहरु नै निराश बनेका छन् । आज हामी तपाईलाई कोरोनाबाट मानिसहरु कसरी संक्रमित बनिरहेका छन् भन्ने बारेमा जानकारी दिनेछौँ ।

पहिलो दिनः

बिरामीलाई खोकी लाग्ने तथा उसको शरीरको तापक्रममा अत्याधिक वृद्धि हुने गर्दछ । त्यो बाहेक पहिलो दिन बिरामीलाई सुक्खा खोकी र जाडोको समस्याले सताउने गर्दछ ।

त्यसपछिका ३ दिनमा बिरामीको मांशपेशिहरु दुख्ने गर्दछ र दुखाई झनै तीव्र बन्दै जान्छ । केहि घटनाहरु भने घाँटी दुख्ने गरेको पाइएको छ ।

पाँचौ दिनः

कोरोना संक्रमित बिरामीलाई संक्रमणको ५ औँ दिनमा श्वास फेर्नमा समस्या हुन थाल्छ ।
त्यो बाहेक जो मानिसलाई कुनै पनि रोगले पहिल्यै देखि सताईरहेको छ, उनीहरुमा झनै श्वासप्रश्वासमा असर पर्दछ ।

सातौँ दिनः

कोरोनाको संक्रमण भएको ७ औँ दिनमा बल्ल मानिसलाई कोरोना भयो कि भन्ने डरले सताउँछ र अस्पतालमा भर्ना गर्ने गरेको वुहानको एक अस्पतालको रिपोर्टमा उल्लेख गरिएको छ । उक्त रिपोर्टका अनुसार धेरै जसो मानिसहरु ७ दिन पछि मात्रै स्वास्थ्यमा असहज बन्दै गएको भन्दै अस्पतालमा आएको पाइएको थियो ।

आठौँ दिनः

संक्रमण भएको हप्ता दिनपछि अर्थात् आठौँ दिनमा संक्रमितको शरीरमा रेस्पिरेटरी डिस्ट्रेस सिन्ड्रोमसँग जोडिएका बिभिन्न् समस्या देखिन थाल्छ ।

उक्त दिनबाट संक्रमितको फोक्सोमा भाइरसको संक्रमणले हमला गर्न थाल्छ । फोक्सोमा अक्सिजनको ठाउँमा कार्वनडाइअक्साईडको मात्रा बढी हुन्छ, जसका कारण संक्रमितलाई श्वासप्रश्वासमा अत्याधिक गाह्रो हुन्छ । साथै संक्रमितको टाउको अत्याधिक दुख्न थाल्छ ।

कोरोना भाइरसको लक्षण देखिन २ दखि १० दिनसम्म लाग्न सक्ने वैज्ञानिकहरुले बताएका छन् । भाइरसको लक्षण ढिला देखिएको कारण मानिसहरु बाहिरबाट बिरामी देखिँदैनन् ।

त्यो बेला उक्त व्यक्ति अन्य व्यक्तिहरुको सम्पर्कमा आईसकेको हुन्छ । त्यसैले संक्रमण अन्यमा सहजै फैलिरहेको हुन्छ ।

आफ्नो ध्यान कसरी राख्ने ?

कोरोना भाइरसबाट बच्नको लागि हाइनि बनाईराख्न् अत्यन्तै आवश्यक हुन्छ । आफ्नो वरपर सरसफाई गर्न आवश्यक हुन्छ । खोक्दा वा हाच्छ्युँ गर्दा टिश्यु पेपर वा रुमालले अनुहार ढाक्नु पर्दछ ।