लकडाउनको बेला सडकमा सिंहहरूको राज, मस्त सुतेर बिताउँछन् दिन !

काठमाडौं । दक्षिण अफ्रिकाको क्रुगर राष्ट्रिय निकुञ्जका सिंहहरू लकडाउनको बेला बीच सडकमै मस्त सुतिरहेका छन् । निकुञ्जका रेञ्जर रिचार्ड सोरेले सडकमा सिंहहरू ढुक्कले निदाएको देखेपछि केही तस्वीरहरू खिचेका थिए ।

निकुञ्जका सडक अरू बेला पर्यटकहरूका कारण व्यस्त हुने सडकमा अहिले सिंहहरू बीच सडकमै मस्त सुतिरहेका छन् ।  सडकमै सिंह सुतेको दृश्य सामान्य अवस्थामा रिचार्डले रातको समयमा मात्र देख्ने गरेको पाउने बताए ।

रिचार्डले जाडोका बेला रातमा सडकको कालोपत्रे पीचको तातो हुनले उनीहरू लोभिएर आउने गरेको बताए । सिंहहरूले अहिलेजस्तै सधै शान्त हुने सोचेर कतै सडकलाई नै सुरक्षित ठाउँ नठानुन् भन्ने उनले चिन्ता ब्यक्त गरेका छन् ।

फोटो खिचिएको अघिल्लो दिन राति पानी परेको हुँदा सिंहहरू बस्ने घाँस चिसो भएको थियो । सिंह चिसो ठाउँमा बस्न मन पराउँदैनन् । त्यसबेला सडक घाँस भएको ठाउँमा भन्दा बढी सुख्खा भएको कारणए सिंहहरू सडकमा मस्त सुतिरहेका थिए ।

Kruger visitors that tourists do not normally see. #SALockdown This lion pride are usually resident on Kempiana Contractual Park, an area Kruger tourists do not see. This afternoon they were lying on the tar road just outside of Orpen Rest Camp.
📸Section Ranger Richard Sowry pic.twitter.com/jFUBAWvmsA

— Kruger National Park (@SANParksKNP) April 15, 2020

विश्वभर कोरोनाको त्रास फैलिउको छ । विश्वभर कोरोनाको कारण विश्वभर २ लाख ४२ हजार ६ सय ७५ जना मानिसको मृत्यु भइसकेको छ । भने ३४ लाख ४६ हजार ५ सय ६२ जना मानिसमा कोरोना संक्रमण देखिएको छ । त्यस्तै विश्वभर स्वास्थ्य लाभ गरी घर फर्कनेको संख्या ११ लाख २ हजार ४ सय ८ जना रहेको छ ।

एजेन्सी