बच्चाले घुम्न जान नमानेपछि अभिभावकले बोकेर गए घरको वाईफाई राउटर

काठमाडौं । आजको समयमा बच्चाहरु इन्टरनेट भनेपछि मरिहत्ते गर्छन् । त्यसैले खान छोडेर मोवाइल तथा कम्प्युटर चलाईरहन्छन् ।

त्यसपछि आमाबुबाले उनीहरुलाई इन्टरनेटबाट छुटकरा दिलाउन अनौठो तरिका अपनाए । उनीहरुले अपनाएको यो तरिकालाई अहिले सामाजिक सञ्जालहरुबाट तारिफ मिलिरहेको छ ।

अष्ट्रेलियाका केसिस र क्रिस ट्रिपका लागि जाँदै थिए । उनीहरुले आफ्ना बच्चाहरुलाई पनि पिकनिक जानको लागि भने । तर उनीहरुले नमानेपछि उनीहरुले वाईफाई राउटर नै बोकेर हिँडे ।

उनीहरुले त्यति मात्र गरेनन् राउटरलाई झुला झुलाएझैँ झुलाए र खाना पनि खुवाए । यो पुरा घटना केसिकले फेसबुकमा शेयर गरेका छन् ।

उनले फेसबुकमा लेखेका छन्, “मैले बच्चाहरुसँग पिकनिक जानको लागि सोधेको थिएँ,तर उनीहरुले बोरिङ्ग हुने बताएपछि वाईफाईको राउटर नै बोकेर हिँडेको हुँ ।”

एजेन्सीको सहयोगमा