गभर्नर अधिकारीको सम्पती विवरण सार्वजनिक: २७ तोला सुन र ५० तोला चाँदी ! (विवरणसहित)

काठमाडौं । नेपाल राष्ट्र बैंकका गभर्नर महाप्रसाद अधिकारीले आफ्नो सम्पती विवरण सार्वजनिक गरेका छन् । अधिकारी गत चैत २४ गते मात्र राष्ट्र बैंकको १७ औँ गभर्नरको रुपमा नियुक्त भएका हुन् ।

गभर्नर अधिकारीले सोमवार राष्ट्र बैंकको वेबसाइट मार्फत सम्पती विवरण सार्वजनिक गरेका हुन् ।

गभर्नर अधिकारीले सार्वजनिक गरेको विवरण अनुसार कतै आफ्नै तथा कतै उनको धर्मपत्नीका नाममा गरि १० ठाँउमा जग्गा रहेको खुलेको छ ।

जसअनुसार उनको झापामा ४ ठाउँ, ललितपुरको ५ ठाउँ तथा मकवानपुरको एक ठाउँमा जग्गा विवरणले देखाएको छ । त्यस्तै उनको ललितपुरको सैँबुमा २२०० वर्गफिटमा बनेको घरसमेत रहेको छ ।

त्यस्तै अधिकारीले चल सम्पत्ति अन्तर्गत भने २७ तोला सुन, ५० तोला चाँदी र नगद १८ हजार रुपैयाँ रहेको विवरणमा उल्लेख गरेका छन् ।

साथै उनीसँग विभिन्न ठाँउमा १६ लाख रुपैयाँ भन्दा बढी रकम बैंक तथा वित्तीय संस्थाको खातामा रहेको सार्वजनिक गरिएको छ ।

त्यस्तै अधिकारीसँग विभिन्न कम्पनीहरुको १ करोड ७ लाख रुपैयाँ बराबरको शेयर रहेको विवरण वेब साइड मार्फत सार्वजनिक गरेका छन् ।

[pdf-embedder url=”https://www.lokpath.com/wp-content/uploads/2020/05/Governor-Sampati-Bibaran-2077.pdf”]