चलचित्र ‘शत्रु गते’को टिजर उपाहार, हुँदैछ यूट्युबमा सार्वजनिक

काठमाडौं, २८ माघ । अनमोल केसीद्वारा अभिनित चलचित्र ‘कृ’ हेर्ने दर्शकलाई ‘शत्रु गते’ को टिजर उपहार हुने निर्माण पक्षले जनाएको छ । यो टिजर चाँडै युट्युबमा पनि सार्वजनिक गर्ने तयारीमा निर्माण यूनिट छ चलचित्रमा पल शाह, आँचल शर्मा, हरिवंश आचार्य, दीपकराज गिरी, दीपाश्री निरौला, प्रियंका कार्की, राजाराम पौडेल, शिवहरी पौडेल, मदनकृष्ण श्रेष्ठ, किरण केसी लगायतका कलाकारको प्रमुख भूमिका छ । तराई र काठमाडौंमा छायांकन गरिएको यो चलचित्र मह सञ्चारको प्रस्तुती र किरण केसीको निर्माणमा बनेको हो ‘शत्रु गते’लाई जात्रा फेम निर्देशक प्रदीप भट्टराईले निर्देशन गरेका हुन् चलचित्रमा हरिवंश आचार्यको कथा, दीपकराज गिरी र प्रदीप भट्टराईको पटकथा, हरिवंश आचार्य र प्रदीप भट्टराईको सम्वाद छ । चैत ९ गतेबाट प्रदर्शनमा आउने यो चलचित्रलाई लिएर अहिले सिंगो चलचित्र क्षेत्र र दर्शकमा उत्साहि भएका छन् । मल्टिस्टार कलाकार भएका कारण पनि यो फिल्म हिट हुने अड्कल काटिएको छ ।