विश्वभर कोरोनाको कारण मृत्यु हुनेको संख्या ३ लाख नाघ्यो

काठमाडौं । कोरोनाको कारण विश्वभर मृत्यु हुनेको संख्या ३ लाख नाघेको छ । यो समाचार तयार पार्दासम्म विश्वभर कोरोनाको कारण ३ लाख ६ सय ३९ जनाको ज्यान गएको छ । भने हालसम्म ४४ लाख ८५ हजार ६ सय ९८ जना कोरोना संक्रमणको शिकार भएका छन् ।

कोरोना संक्रमितमध्ये ४५ हजार ४ सय ८८ जनाको अवस्था गम्भीर रहेको छ । साथै हालसम्म १६ लाख ८७ हजार ५ सय ६५ जना मानिस कोरोना उपचारपछि निको भएर घर फर्किएका छन् ।

विश्वभर तथ्यांक हेर्ने हो भने संयुक्त राज्य अमेरिकामा कोरोनाको असर बढी देखिएको छ । अमेरिकामा हालसम्म कोरोनाको कारण ८५ हजार ६ सय ९९ जनाको ज्यान गइसकेको छ । भने हालसम्म अमेरिकामा १४ लाख ३८ हजार ४ सय २६ जनामा कोरोना संक्रमण देखिएको छ ।