मकवानपुरमा पहिलोपटक देखियो कोरोना, एकाविहानै थपिए ९ कोरोना संक्रमित

काठमाडौं । मकवानपुरमा नयाँ कोरोना संक्रमित भेटिएका छन् ।

आज राष्ट्रिय जनस्वास्थ्य प्रयोगशाला काठमाडौंमा गरिएको परिक्षणमा मकवानपुर निवासी ३७ वर्षीय पुरुषमा कोरोना संक्रमण पुष्टि भएको स्वास्थ्य मन्त्रालयले जनाएको छ ।

उनीसँगै भेरी अस्पताल नेपालगञ्जमा गरिएको स्वाब परिक्षणमा बाँके नैनापुर, १, ३ र ५ निवासी वर्ष १८, २०, २२, २५, २५, २७, ३२ र ३६ वर्षीय पुरुषहरुमा पनि कोरोना संक्रमण पुष्टि भएको हो ।

आज थपिएका ९ जना संक्रमितसहित नेपालमा जम्मा कोरोना संक्रमितको संख्या २५८ पुगेको छ ।

स्वास्थ्य मन्त्रालयका अनुसार उनीहरुको स्वास्थ्य अवस्था सामान्य रहेको र उनीहरु चिकित्सकको निगरानीमा रहेका छन् ।