काठमाडौंमा भेटिएका कोरोना संक्रमित छापाखानाका कर्मचारी

काठमाडौं । मंगलवार काठमाडौं उपत्यकामा एकैदिन ५ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयले दिएको जानकारी अनुसार काठमाडौंमा ३, भक्तपुरका १ र ललितपुरका १ जनामा कोरोना संक्रमण देखिएको हो ।

थपिएका ५ जनामध्ये १ जना कोरोना संक्रमित छापाखानामा काम गर्ने कर्मचारी रहेको खुल्न आएको छ ।

स्रोतका अनुसार उनी काठमाडौं महानगरपालिका २८ स्थित बागबजारको बुद्ध विहार आसपास बस्दै आएका थिए । र उनी होटल हार्दिक नजिकै रहेको छापाखानामा काम गर्ने स्रोतले बताएको छ ।

उनी केहिदिन अघि भैरहवाबाट काठमाडौं आएको समेत बताइएको छ ।