नेपालमा ४९ जनाले जिते कोरोना

काठमाडौं । नेपालमा स्वास्थ्योपचार पछि निको हुने कोरोना संक्रमितको कुल संख्या ४९ पुगेको छ ।

टेकुस्थित शहीद शुक्रराज ट्रपिकल तथा सरुवा रोग अस्पतालबाट स्वास्थ्य लाभ गरी बुधवार ४ जना डिस्चार्ज भएसँगै नेपालमा स्वास्थ्योपचार पछि निको भएकाहरुको जम्मा संख्या ४९ पुगेको हो ।

कोरोना भाइरस (कोभिड–१९) को रिपोर्ट नेगेटिभ आएपछि उनीहरु आज (बिहीवार) डिस्चार्ज भएका हुन् ।

स्वास्थ्य तथा जनसंख्या मन्त्रालको नियमित मिडिया ब्रिफिङमा मन्त्रालयका प्रवक्ता डा. विकास देवकोटाले काठमाडौंको टेकु अस्पतालमा उपचाररत थप ४ जना कोरोना संक्रमितहरु उपचार पछि निको भएको जानकारी दिएका हुन् ।

आज निको हुनेमा ३२ र २५ वर्षीया महिला तथा ३७ र २७ वर्षका पुरुष रहेको स्वास्थ्य मन्त्रालयले जनाएको छ ।

यसैबीच नेपालमा अहिलेसम्म ४५३ जनलाई कोरोना संक्रमण भएको छ । आज मात्रै थप २६ जनामा कोरोना संक्रमण पुष्टि भएको हो ।

अहिले सम्म कोरोना भाइरसको महामारीका कारण नेपालमा ३ जनाको मृत्यु भईसकेको छ ।